తమిళనాడు సీఎం విజయ్ కావాలి : 'స్పైడర్' విలన్ ఆకాంక్ష
తమిళనాడు రాష్ట్ర రాజకీయాలపై మహేష్ బాబు నటించిన తాజా చిత్రం 'స్పైడర్'లో విలన్‌గా నటించిన ఎస్.జె.సూర్య స్పందించారు. ప్రస్తుత పరిస్థితుల్లో తమిళనాడు ముఖ్యమంత్రి విజయ్ అయితే సంతోషిస్తానని అభిప్రాయపడ్డారు
తమిళనాడు రాష్ట్ర రాజకీయాలపై మహేష్ బాబు నటించిన తాజా చిత్రం 'స్పైడర్'లో విలన్‌గా నటించిన ఎస్.జె.సూర్య స్పందించారు. ప్రస్తుత పరిస్థితుల్లో తమిళనాడు ముఖ్యమంత్రి విజయ్ అయితే సంతోషిస్తానని అభిప్రాయపడ్డారు.
ఇళయదళపతి విజయ్ తాజా చిత్రం ‘మెర్సల్‌’. ఈ చిత్రం ప్రమోషన్‌లో భాగంగా సూర్య మాట్లాడుతూ, తమిళనాడు ముఖ్యమంత్రి విజయ్ అయితే సంతోషిస్తానని చెప్పారు. సినీ నటులు రాజకీయాల్లోకి రాకూడదన్న చట్టం లేదన్నారు. అలాగే ఫలానా వ్యక్తి మాత్రమే రాజకీయాల్లో అడుగుపెట్టాలనే నిర్బంధం కూడా లేదని గుర్తుచేశాడు.
స్వతంత్ర భారతావనిలో సమాజానికి మంచి చేయాలనుకొనే ఎవరైనా సరే రాజకీయాల్లోకి రావచ్చని స్పష్టంచేశాడు. సినీ నటులు రాజకీయాల్లోకి రావడాన్ని తాను స్వాగతిస్తున్నానని అన్నాడు. అయితే, రాజకీయాల్లోకి వచ్చే వ్యక్తికి ప్రజలకు మంచి చేయాలనే ఆలోచన ఉండాలని ఆయన సూచించాడు. ఇచ్చిన పనిని విజయ్ ఏకాగ్రత, నిబద్ధతతో చక్కబెట్టే వ్యక్తి అని, అందుకే రాజకీయాల్లోకి రావాలని కోరుకుంటున్నట్టు చెప్పారు.
