స్పైడర్ కొత్త రికార్డు.. స్పైడర్ యూట్యూబ్ ఛాన‌ల్‌ను ల‌క్షమంది స‌బ్‌స్క్రైబ్ చేసుకున్నారట..

టాలీవుడ్ సూపర్ స్టార్ మహేష్ బాబు తాజా చిత్రం ''స్పైడర్'' విడుదలకు ముందే కొత్త రికార్డు సృష్టించింది. ఈ సినిమా విడుదలయ్యేందుకు ఇంకా మూడు నెలల సమయం ఉన్న నేపథ్యంలో కొత్త రికార్డు స్పైడర్ నమోదు చేసుకుంది.

టాలీవుడ్ సూపర్ స్టార్ మహేష్ బాబు తాజా చిత్రం ''స్పైడర్'' విడుదలకు ముందే కొత్త రికార్డు సృష్టించింది. ఈ సినిమా విడుదలయ్యేందుకు ఇంకా మూడు నెలల సమయం ఉన్న నేపథ్యంలో కొత్త రికార్డు స్పైడర్ నమోదు చేసుకుంది. మ‌హేశ్ బాబు హీరోగా ఏఆర్ మురుగ‌దాస్ ద‌ర్శ‌క‌త్వంలో తెర‌కెక్కుతున్న "స్పైడ‌ర్" సినిమాకు చెందిన యూట్యూబ్ ఛాన‌ల్‌ను ఇప్ప‌టికే ల‌క్షమంది స‌బ్‌స్క్రైబ్ చేసుకున్నారు. 

ఈ సినిమా ఫస్ట్ లుక్, టీజర్లు మాత్రమే విడుదలైన నేపథ్యంలో యూట్యూబ్‌లో స్పైడర్ ఛానల్‌కు భారీ క్రేజ్ వచ్చిందని ప్రిన్స్ ఫ్యాన్స్ పండగ చేసుకుంటారు. గూఢ‌చారి నేప‌థ్యంలో తీస్తున్న ఈ సినిమాలో మ‌హేశ్ స‌ర‌స‌న ర‌కుల్ ప్రీత్ సింగ్ హీరోయిన్‌గా న‌టిస్తోంది. 

స్వల్పకాలంలోనే స్పైడర్ వీడియోకు, ఫోటోలకు మిలియన్ల సంఖ్యలో వ్యూస్ నమోదైనాయి. ప్రస్తుతానికి ఈ సినిమా షూటింగ్ రామోజీ రావు ఫిల్మ్ సిటీ గ్రాండ్ సెట్స్‌లో జరుగుతోంది. జూలై 5 నుంచి 8 వరకు ఈ సినిమా షూటింగ్ జరుగనుంది. ప్రపంచ వ్యాప్తంగా సెప్టెంబర్ 27న స్పైడర్ విడుదల కానుంది.