టాలీవుడ్ టాప్ హీరోయిన్ సమంతకు పలు సినిమాల్లో స్నేహితురాలిగా నటించిన విద్యుల్లేఖకు వివాహమైంది. ఈమె ప్రముఖ నటుడు మోహన్‌ రామన్‌ కుమార్తె. 'నీ దానే ఎన్‌ పొన్‌ వసంతం' అనే చిత్రంలో హీరోయిన్ సమంత స్నేహితురాలిగా నటించి, వెండితెరకు పరిచయమైంది. ఈ చిత్రం తెలుగులోనూ రిలీజైంది. ఆ తర్వాత పలు తమిళ, తెలుగు సినిమాల్లో హాస్య నటిగా కనిపించింది.
ప్రస్తుతం విద్యుల్లేఖ తమిళంలో కంటే తెలుగులోనే పలు చిత్రాల్లో నటిస్తోంది. తాజాగా విద్యుల్లేఖ ప్రస్తుతం సంజయ్‌ వాట్వానీ అనే సింధు యువకుడిని పెళ్ళి చేసుకుంది. చెన్నై ఈసీఆర్‌ రోడ్డులో ఉన్న ఓ నక్షత్ర హోటల్‌లో వీరి వివాహం ఇరు కుటుంబ సభ్యులు, అతికొద్ది మంది సన్నిహితుల మధ్య శనివారం జరిగింది. ఈ విషయం తెలిసిన అనేక మంది సినీ సెలెబ్రిటీలు నూతన వధూవరులకు శుభాకాంక్షలు తెలుపుతున్నారు. ఇంకా విద్యుల్లేఖ వివాహ ఫోటోలు నెట్టింట వైరల్ అవుతున్నాయి.
