బోయపాటి శీను దర్శకత్వం వహించిన స్కంద చిత్రం విడుదలై పది రోజులు దాటింది. రామ్ పొతినేని హీరో. తొలిరోజు డివైడ్ టాక్ వచ్చినా, మాస్ ఆడియన్స్ ఈ సినిమాను చూసేందుకు అమితంగా ఇష్టపడ్డారు. బోయపాటి సినిమాలు అంటేనే పవర్ఫుల్ డైలాగులతో పాటు హై వోల్టేజ్ యాక్షన్ డ్రామా ఉంటుంది. "స్కంద''లో వాటికి లోటు లేకపోవటంతో పాటు, ఎనర్జిటిక్ రామ్, శ్రీలీల కాంబో బాగుండటంతో యూత్ ఈ సినిమాను బానే చూశారు.
పైగా, మార్కెట్‌లో ఏ సినిమా కూడా లేకపోవటం మరో బెనిఫిట్‌గా చెప్పుకోవచ్చు. ఇక సినిమాలో బోయపాటి ఏపీ, తెలంగాణ పొలిటికల్ అంశాలతో పాటు తాజా పాలిటిక్స్, కొందరు కీలక వ్యక్తులపై అదిరిపోయే సెటైర్లు పేల్చారు. ఈ సినిమాలో ఆంధ్రప్రదేశ్ సీఎం, తెలంగాణ సీఎం.. వారి మ‌ధ్య లోగుట్టుగా ఉన్న రిలేషషన్సే కీలక అంశాలుగా ఉన్నాయి.
బోయపాటి 'స్కంద' సినిమాను కంప్లీట్ పొలిటికల్ యాక్షన్ డ్రామాగా తెరకెక్కించటంతో పాటు, సత్యం రామలింగరాజు జీవితాన్ని స్ఫూర్తిగా తీసుకుని చేసిన సన్నివేశాలు చాలామందికి కనెక్ట్ అయ్యాయి. అలాగే సినిమాలో గత ఎన్నికలలో వైసీపీకి రాజకీయ వ్యూహ‌క‌ర్త‌గా పనిచేసిన ప్రశాంత్ కిషోర్‌పై రచ్చరవితో వెయించిన సెటైరికల్ డైలాగ్స్ సోషల్ మీడియాలో వైరల్ అయ్యాయి. కరెంట్ పొలిటికల్ సినారియోకు దగ్గరగా రాసిన ఈ మాటలు ప్రేక్షకులను నెటిజెన్స్ విశేషంగా ఆకట్టుకుంటున్నాయి. ఇప్పటివరకు బాక్సాపీసు వద్ద 'స్కంద' ₹ 60 కోట్ల గ్రాస్‌ను కలెక్ట్ చేసింది.
