బిగ్ బాస్ 13వ సీజన్‌.. విజేతగా నిలిచిన సిద్ధార్థ్ శుక్లా.. ట్వీట్స్ వైరల్

ఆదివారం, 16 ఫిబ్రవరి 2020 (15:52 IST)
Sidharth Shukla
బాలీవుడ్ బిగ్ బాస్ ముగిసింది. ఫలితంగా బిగ్ బాస్ 13వ సీజన్‌కు శుభం కార్డు పడింది. ఫైనల్లో బాలికా వధు ఫేం సిద్ధార్థ్ శుక్లా మొదటి స్థానంలో నిలిచాడు. అసిమ్ రియాజ్ తర్వాతి స్థానంలో నిలిచారు. ఎంతో ఉత్కంఠగా, ఉద్వేగ భరితంగా జరిగిన ఈ కార్యక్రమంలో ఫైనల్‌కు సిద్దార్థ్‌తో పాటు..నటుడు అసీం రియాజ్‌లు చేరుకున్నారు. బాలీవుడ్ కండల వీరుడు సల్మాన్ ఖాన్ బిగ్ బాస్ 13కి హోస్ట్‌గా వ్యవహరించారు.
 
అయితే బిగ్ బాస్ షో క్రియేటివ్ టీం మెంబర్ చేసిన ట్వీట్లు కలకలం రేపాయి. విజేతగా నిలిచేందుకు అసీంకు అన్ని అర్హతలున్నా.. అలా చేయలేదని క్రియేటివ్ టీంలో సభ్యురాలైన ఫెరీహ టెక్నీషియన్ సంచలన వ్యాఖ్యలు చేశారు. ఈ మేరకు ఆయన ట్విట్టర్ వేదికగా ట్వీట్లు చేశారు. ఇదొక ఫిక్స్‌డ్ షో అంటూ ఆరోపణలు గుప్పించారు. దీని కారణంగా ఛానెల్ నుంచి నిష్క్రమిస్తున్నట్లు తెలిపారు.
 
అంతర్జాతీయంగా ప్రముఖుల నుంచి అసీంకు వస్తున్న మద్దతు చూడలేక, సిద్దార్థ్ గెలిచేలా వ్యూహాలు రచించారని మండిపడ్డారు. మహిళలపై పట్ల అనుచితంగా ప్రవర్తించిన సిద్ధార్థ్ విజేతగా ప్రకటించి సమాజానికి ఎలాంటి సందేశం ఇవ్వాలని అనుకుంటున్నారని దుయ్యబట్టారు. కాగా బిగ్ బాస్ 13వ సీజన్ విజేతగా నిలిచిన సిద్ధార్థ్ శుక్లాకు ట్రోఫీతో పాటు ప్రైజ్ మనీ కింద రూ.40లక్షలు లభించింది. 

వెబ్దునియా పై చదవండి

తర్వాతి కథనం కొబ్బరి చెట్టు ఎక్కితే.. అమ్మాయిలు కనిపిస్తారు..