Publish Date: Fri, 21 Jan 2022 (19:48 IST)
Updated Date: Fri, 21 Jan 2022 (19:50 IST)
నాని, సాయిపల్లవి, కృతిశెట్టి నటించిన శ్యామ్ సింగరాయ్ చిత్రం థియేటర్లలో ప్రేక్షకులను ఆకట్టుకుంది. థియేట్రికల్ రన్ ముగియడంతో శ్యామ్ సింగరాయ్ చిత్రాన్ని తెలుగు, బెంగాళీ భాషల్లో ఓటీటీ ద్వారా ప్రేక్షకుల ముందుకు తీసుకొస్తున్నారు.
ఈ చిత్రం నెట్ఫ్లిక్స్ ద్వారా జనవరి 21న ప్రేక్షకుల ముందుకు వస్తుంది. రాహుల్ సంకిృత్యన్ దర్శకత్వం వహించిన ఈ చిత్రం ఓటీటీలో విడుదల కావడంపై నాని ఫ్యాన్స్ పండగ చేసుకుంటున్నారు.
క్రిస్మస్ కానుకగా డిసెంబర్ 24న విడుదలైన ఈ చిత్రం బాక్సాఫీస్ వద్ద మంచి విజయం సాధించింది. నాని సరసన కృతిశెట్టి, సాయిపల్లవి జంటగా నటించారు. దేవదాసి పాత్రలో సాయి పల్లవి నటన విమర్శకుల ప్రశంసలు అందుకుంది. మడోన్నా సెబాస్టియన్ కీలక పాత్రలో నటించింది.
కలకత్తా బ్యాక్డ్రాప్లో తెరకెక్కిన ఈ చిత్రానికి మిక్కీ జె మేయర్ సంగీతం అందించగా, నిహారిక ఎంటర్టైన్మెంట్స్ బ్యానర్పై ప్రొడక్షన్ నెంబర్ వన్గా వెంకట్ బోయనపల్లి నిర్మించారు.
