ఐరన్ లెగ్ టు గోల్డెన్ లెగ్.. పవన్ కల్యాణ్-డాలీ సినిమాలో శ్రుతిహాసన్ అందుకే?!
డాలీ దర్శకత్వంలో పవన్ కల్యాణ్ హీరోగా రూపుదిద్దుకుంటున్న సినిమాకు శ్రుతిహాసన్ ఓకే చెప్పింది. డేట్స్ అడ్జెస్ట్ కాకపోవడంతో ముందు నో చెప్పిన శ్రుతిహాసన్ తిరిగి పవన్ సినిమాకు ఓకే చెప్పేసింది. ప్రస్తుతం డాల
డాలీ దర్శకత్వంలో పవన్ కల్యాణ్ హీరోగా రూపుదిద్దుకుంటున్న సినిమాకు శ్రుతిహాసన్ ఓకే చెప్పింది. డేట్స్ అడ్జెస్ట్ కాకపోవడంతో ముందు నో చెప్పిన శ్రుతిహాసన్ తిరిగి పవన్ సినిమాకు ఓకే చెప్పేసింది. ప్రస్తుతం డాలీ ఈ సినిమాకు సంబంధించి స్క్రిప్ట్ వర్క్ సిద్ధం చేస్తున్న నేపథ్యంలో.. త్వరలోనే ఈ సినిమా సెట్స్‌పైకి వెళ్లనుంది.
ముందుగా ఈ సినిమాకి శృతి హసన్‌ని తీసుకోవడానికి ప్రయత్నాలు జరుగుతున్నాయి. అయితే ఆమె డేట్స్ అడ్జస్ట్ చేయలేకపోవడంతో పార్వతి టి.కే, కీర్తి సురేష్, రకుల్ ప్రీత్ సింగ్ పేర్లు వినిపించాయి. కానీ ఎలాగోలా శ్రుతిహాసన్ ఈ సినిమాకు హీరోయిన్‌గా ఖరారైందని ఫిలిమ్ నగర్ వర్గాల్లో వార్తలు షికార్ చేస్తున్నాయి. ఈ సినిమా షూటింగ్ ప్రారంభం కావడంలో జాప్యానికి అదే కారణమని.. శ్రుతిహాసన్ డేట్స్ అడ్జెస్ట్ చేయగానే ఇక సెట్స్‌పైకి సినిమాను తెరకెక్కించేందుకు అంతా సిద్ధమయ్యారని తెలిసింది.
పవన్ కళ్యాణ్, శృతి హసన్ కాంబినేషన్లో రూపొందిన గబ్బర్ సింగ్ సినిమా సూపర్ హిట్ అవడంతో మళ్ళీ పవన్‌తో రొమాన్స్ చేసేందుకు శ్రుతిహాసన్ రెడీ అయ్యింది. తొలుత ఐరన్ లెగ్‌గా పేరు కొట్టేసిన శ్రుతి.. గబ్బర్ సింగ్ తర్వాతే గోల్డెన్ లెగ్‌గా మారిన సంగతి తెలిసిందే. ఇదిలా ఉంటే జనసేన అధ్యక్షుడు, టాలీవుడ్ స్టార్ హీరో పవన్ కళ్యాణ్ లండన్‌కి వెళ్లారు. నెల రోజులుగా జరుగుతున్న జయతే కూచిపూడి ఫెస్టివల్ క్లోజింగ్ కార్యక్రమానికి హాజరు కానున్నారు.
