బాలీవుడ్ నటి శ్రద్ధా కపూర్. ఈమె బాలీవుడ్ చిత్ర పరిశ్రమకు చెందిన ప్రముఖ ఫోటోగ్రాఫర్ రోహన్ శ్రేష్ఠతో ప్రేమలో పడినట్టు వార్తలు గుప్పుమన్నాయి. ఈ వార్తలపై వారిద్దరూ ఎక్కడా స్పందించలేదు.
తాజాగా ఇన్‌స్టాగ్రామ్‌లో రోహన్ పేరుతో ఆమె చేసిన పోస్టు వారిద్దరి సాన్నిహిత్యాన్ని బలంగా చెప్పింది. దాంతో వారిద్దరి అఫైర్‌పై భారీగా రూమర్లు చెలరేగుతున్నాయి. ఇన్‌స్టాగ్రామ్‌లో ఫొటో పెట్టి రోహన్ క్లిక్ చేసిన తన బ్లాక్ అండ్ వైట్ ఫొటోను పోస్ట్ చేసింది.
ఆ ఫొటోను చూస్తుంటే రోహన్‌తో గడిపిన తాజా విషయాలు గుర్తొస్తున్నాయి అని కామెంట్ పెట్టింది. దాంతో వారిద్దరి మధ్య ఏదో జరుగుతుందనే అనుమానం రేకెత్తింది. వాస్తవానికి రోహన్, శ్రద్ధాకపూర్ ఇద్దరు బాల్య స్నేహితులు. వారి స్నేహం ఇటీవల ప్రేమగా మారిందని వారి సన్నిహితులు చెప్పుకొంటున్నారు. కానీ, వారిద్దరూ మాత్రం ఎక్కడా బయటపడటం లేదు.
