ఎన్టీఆర్ 'బిగ్‌బాస్' కూడా 'చెత్తబాస్' అవుతుందా? కమల్ 'బిగ్‌బాస్'పై విరుచుకుపడిన నటి

తమిళంలో కమల్ హాసన్ హోస్టుగా కొనసాగుతున్న బిగ్ బాస్ షోను ఓ చెత్త షో అని తీవ్రంగా విమర్శలు చేసింది తమిళ సీనియర్ నటి, దర్శకురాలు లక్ష్మీ రామకృష్ణన్. ఇది ఓ చెత్త షో అంటూ తేల్చిన లక్ష్మి... భారతదేశ సంస్కృతి, సంప్రదాయాలకు ఇది విరుద్ధమని చెప్పారు. అంతేకాదు.

తమిళంలో కమల్ హాసన్ హోస్టుగా కొనసాగుతున్న బిగ్ బాస్ షోను ఓ చెత్త షో అని తీవ్రంగా విమర్శలు చేసింది తమిళ సీనియర్ నటి, దర్శకురాలు లక్ష్మీ రామకృష్ణన్. ఇది ఓ చెత్త షో అంటూ తేల్చిన లక్ష్మి... భారతదేశ సంస్కృతి, సంప్రదాయాలకు ఇది విరుద్ధమని చెప్పారు. అంతేకాదు... తనకు కూడా ఈ ఆఫర్ వచ్చిందనీ, రూ. 10 కోట్లు ఇచ్చినా ఇందులో పాల్గొనేది లేదని తేల్చి చెప్పింది. 

ఈ షో దక్షిణాది ప్రజల మనోభావాలకు విరుద్ధమనీ, ముక్కుమొహం తెలియని వారితో ఎన్నో రోజులు కలిసి వుండటం తాను మాత్రం ఎట్టి పరిస్థితుల్లో జీర్ణించుకోలేననీ, తనకు తెలిసినంతవరకూ దక్షిణాది ప్రజలు ఎవ్వరూ ఇలాంటి షోలను ఆదరించరని వెల్లడించారు. ఇలాంటి షోలతో వ్యక్తిగత సంబంధాలు దెబ్బతింటాయనీ, మన సంప్రదాయలను చేజేతులా చెడగొట్టుకునేవిధంగా ఈ షోలు వున్నాయని అభిప్రాయపడింది. 

మగా ఆడా తేడా లేకుండా ఒకే ఇంట్లో అలా రోజుల తరబడి వుండటం పాశ్చాత్య దేశాల్లోనూ, ఉత్తరాదిలోనూ సాధ్యమవుతుందేమో కానీ దక్షిణాదిలో మాత్రం ఎట్టి పరిస్థితుల్లో సాధ్యం కాదనీ, ఈ షో దక్షిణాదిలో క్లిక్ అవుతుందని తను అనుకోవడం లేదని తేల్చేసింది. ఆమె మాటలను చూస్తుంటే జూ.ఎన్టీఆర్ బిగ్ బాస్ కూడా ప్లాప్ అవుతుందనేట్లుగా వున్నాయి. ఏం జరుగుతుందో చూద్దాం.