Select Your Language

Notifications

webdunia
webdunia
webdunia
webdunia

ఆర్థర్ రోడ్డు జైలుకు షారూక్ ఖాన్.. కోవిడ్ ఆంక్షల సడలింపుతో ఊరట

Advertiesment
Shah Rukh Khan
, గురువారం, 21 అక్టోబరు 2021 (12:54 IST)
క్రూజ్‌ నౌక డ్రగ్స్‌ కేసులో అరెస్టయిన బాలీవుడ్ స్టార్ హీరో షారూక్ ఖాన్ ముంబైలోని ఆర్థర్ రోడ్డు జైలులో ఉన్న తన కుమారుడు ఆర్యన్‌‌ను కలుసుకున్నారు. ఇందుకోసం ఆయన గురువారం జైలుకు వచ్చారు. తనయుడితో కొద్దిసేపు మాట్లాడి తిరిగి వెళ్లిపోయారు. 
 
కాగా, ఆర్యన్‌ను పోలీసులు అదుపులోకి తీసుకున్న తర్వాత కలుసుకోవడం ఇదే మొదటిసారి. అక్టోబర్ 2న అరెస్టయిన ఆర్యన్ బెయిల్ కోసం పలుమార్లు అభ్యర్థనలు పెట్టుకున్నారు. అయితే, ఈ కేసు విచారిస్తోన్న ప్రత్యేక న్యాయస్థానం మాత్రం వాటిని తోసిపుచ్చింది. 
 
గురువారం కూడా బెయిల్ నిరాకరించిన సంగతి తెలిసిందే. ఈ క్రమంలో కుమారుడిని చూసేందుకు షారుక్‌ జైలుకు వచ్చారు. గతవారం ఆర్యన్ తన తల్లిదండ్రులతో వీడియో కాల్‌లో మాట్లాడిన సంగతి తెలిసిందే.
 
ఇదిలావుంటే, మహారాష్ట్రలో కొవిడ్ వ్యాప్తి అదుపులో ఉండటంతో అక్కడి ప్రభుత్వం నిబంధనలను సడలించింది. దీంతో జైల్లో ఉన్న వ్యక్తులు తమ వారిని కలుకునేందుకు వీలుకలిగింది. ఇప్పుడు ఇద్దరు కుటుంబ సభ్యులు ఖైదీలను కలవొచ్చు. ఈ వెసులుబాటు అనంతరమే షారుక్‌ కుమారుడిని కలుసుకునేందుకు వచ్చారు. 

Share this Story:

Follow Webdunia telugu

తర్వాతి కథనం

ఏపీ రాజకీయ నాయకులు కరాటే.. బాక్సింగ్, కర్ర సాము నేర్చుకోవాలి : ఆర్జీవీ