Select Your Language

Notifications

webdunia
webdunia
webdunia
webdunia

'అలా.. వైకుంఠపురం' నటుడు ఉపేంద్రపై కేసు నమోదు

Advertiesment
'అలా.. వైకుంఠపురం' నటుడు ఉపేంద్రపై కేసు నమోదు
, సోమవారం, 14 ఆగస్టు 2023 (10:47 IST)
అల్లు అర్జున్ 'అలా.. వైకుంఠపురం'లో నటించిన కన్నడ నటుడు ఉపేంద్రపై కేసు నమోదైంది. తన రాజకీయ పార్టీ వార్షికోత్సవం సందర్భంగా సోషల్‌ మీడియాలో ఆయన చేసిన వ్యాఖ్యలు తీవ్ర దుమారం రేపాయి. దళితులను అవమానించేలా ఆయన వ్యాఖ్యలు చేశారంటూ బెంగళూరులో కేసు నమోదు అయ్యింది.
 
'ప్రజాకీయా' వార్షికోత్సవంలో భాగంగా ఉపేంద్ర శనివారం ఫేస్‌బుక్‌, ఇన్‌స్టా లైవ్‌ నిర్వహించారు. విమర్శకులను ఓ వర్గంతో పోలుస్తూ ఆయన సామెతలు చెప్పారు. ఈ వ్యాఖ్యలు సామాజిక మాధ్యమాల్లో తీవ్ర చర్చకు దారి తీశాయి. ఈ క్రమంలో ఉపేంద్ర వ్యాఖ్యలు తమని ఆవేదనకు గురి చేశాయంటూ ఆదివారం బెంగళూరులోని చెన్నమన్నకేరే అచ్చుకట్టు పోలీస్‌ స్టేషన్‌కు ఫిర్యాదు అందింది. దీంతో పోలీసులు ఉపేంద్రపై కేసు నమోదు చేశారు. ఈ విషయంపై దర్యాప్తు చేస్తున్నట్లు సౌత్‌ బెంగళూరు డీసీపీ కృష్ణకాంత్‌ తెలిపారు.
 
తన వ్యాఖ్యలు తీవ్ర దుమారం రేపడంతో ఉపేంద్ర క్షమాపణలు చెప్పారు. లైవ్‌ వీడియోను సైతం తన సామాజిక మాధ్యమాల నుంచి తొలగించారు. 'ఫేస్‌బుక్‌, ఇన్‌స్టా లైవ్‌లో పొరపాటున నోరు జారి కొన్ని వ్యాఖ్యలు చేశాను. నా వ్యాఖ్యల కారణంగా కొంతమంది ఇబ్బందిపడ్డారని గ్రహించిన వెంటనే లైవ్‌ వీడియోను తొలగించాను. ఆ విధంగా వ్యాఖ్యలు చేసినందుకు నన్ను క్షమించండి' అంటూ ఆయన పోస్ట్‌ పెట్టారు. 

Share this Story:

Follow Webdunia telugu

తర్వాతి కథనం

ఆగస్టు 15నుంచి తనకు స్వాతంత్య్రం వస్తుందని ప్రకటించిన విశ్వక్‌సేన్‌