కుర్రకారుల కలల రాణి, అందాల భామ సమంత బుధవారం పుట్టిన రోజును జరుపుకుంటోంది. ఉదయం నుంచి తనకి వస్తున్న విశేష్ చూసి సమంత ఆనందంతో ఉబ్బితబ్బిబ్బై పోతోంది. అలాగే ఉదయం నుంచి ట్విట్టర్‌లో సందడి చేస్తోంది. ''ఏం మాయ చేసిందో'' చిత్రం ద్వారా అందరి మనసులను దోచుకున్న ఈ భామకి యూత్‌లో యామా క్రేజ్ ఉంది. సినిమా ఫీల్డ్ కొచ్చి ఏడేళ్లే అయినా... టాప్ పొజిషన్‌కి వచ్చి అందరి హీరోలతో నటించి గొప్పపేరును సంపాదించుకుంది. ఆమె నటించిన దాదాపు అన్ని సినిమాలు హిట్టయ్యాయి. ఒక్క తెలుగులోనేకాక, తమిళం, హిందీలో కూడా మంచి పేరు తెచ్చుకుంది.
గత ఏడాది సిద్దార్ధ్‌తో డేటింగ్ చేసింది ఈ భామ. కానీ ఏమైందో ఏమోగాని ఆమె బాయ్ ఫ్రెండ్ సిద్దుతో బ్రేక్ అప్ చెప్పింది. ఇప్పడు ఆమె సింగల్ గర్ల్. ఈ సారి పుట్టిన రోజు ఆమె సింగల్‌గానే జరుపుకుంటుంది. తమిళంలో ఇప్పడు లీడింగ్ హీరోయిన్‌లలో ఒకరుగా మారింది. మాతృ భాషలో ఎట్టకేలకు ఆమెకు గుర్తింపు దక్కింది. ఏమైనా తెలుగుకే తన మొదటి ప్రాధాన్యం అని చెబుతుంది.
జూనియర్ ఎన్టీఆర్‌తో ఇంతకు ముందు 'రామయ్యా వస్తావయ్యా' అన్న సమంత...యంగ్ టైగర్‌తో మళ్లీ జనతా గ్యారేజ్‌లో జోడీకట్టింది. ఇక త్రివిక్రమ్‌తో 'అ.. ఆ...' అనే సినిమా చేస్తుంది. తెలుగులోనే కాక తమిళంలోను ఈ అమ్మడి హవా బాగా నడుస్తుంది. ఇటీవల విజయ్ సినిమా 'తెరి'లో నటించిన చెన్నై భామ సూర్య సరసన జత కట్టింది. మరి సమంతకి పుట్టిన రోజు శుభాకాంక్షలు చెబుదామా..!
