అందమే కాదు.. మంచితనంలోను సమంతకు వందకు వంద మార్కులు వెయ్యొచ్చు. సినీ రంగంలోకి రాకముందు నుంచి ఎదుటివారికి సేవ చేయడం నేర్చుకుంది సమంత. తన దగ్గర పదిరూపాయలు ఉంటే ఎవరైనా ఆపదలో ఉంటే వెంటనే తన దగ్గర ఉన్న డబ్బులో సగం డబ్బును వారికి ఇచ్చేదట. ఇలా తన తల్లి నుంచి సేవ..దానం చేయడం సమంత నేర్చుకుందట.
అది అలాగే కొనసాగుతూ సినీరంగంలోకి వచ్చిన తరువాత కూడా ప్రత్యూష ఫౌండేషన్ ద్వారా సేవ చేస్తోంది సమంత. అనాథలకు, పేదలకు, వృద్థాశ్రమాలకు ఇలా తనకు తోచిన డబ్బును సాయం చేస్తోందట సమంత. అది కూడా తాను నటించిన సినిమాల ద్వారా వచ్చిన పారితోషికంలో సగంకుపైగా దానికే ఖర్చు చేస్తోందట. పెళ్ళికి ముందు పెళ్ళయిన తరువాత ఆమె ఇలాగే చేస్తోందట.
ఇతరులకు సాయం చేయగల స్థాయిలో ఉండడం భగవంతుని కృప అంటోంది సమంత. మా అమ్మ తన చేతిలో ఏమీ లేకపోయినా అవసరంలో ఉన్న వారికి సాయం చేయడానికి ముందు ఉండేది. అవే లక్షణాన్ని తను కూడా నేర్చుకున్నానని గర్వంగా అందరికీ చెబుతోందట సమంత. అలా ఇవ్వడంతో తనకెంతో సంతృప్తి అంటోంది సమంత.
