Ravi Mahadasyam, Vishika Laxman, Rajasekhar Sudmoon, Navdeep
రవి మహాదాస్యం, విషిక లక్ష్మణ్ జంటగా నటిస్తున్న చిత్రం ‘సగిలేటి కథ. రాయలసీమ పల్లెటూరి నేపథ్యంలో సాగే ఈ చిత్రానికి రాజశేఖర్ సుద్మూన్ దర్శకత్వం వహించారు. హీరో నవదీప్ సి-స్పేస్ సమర్పణలో, షేడ్‌ ఎంటర్టైన్మెంట్‌, అశోక్‌ ఆర్ట్స్‌ బ్యానర్‌లో దేవీప్రసాద్ బలివాడ, అశోక్‌ మిట్టపల్లి సంయుక్తంగా నిర్మించారు. ఇప్పటికే రిలీజ్ అయ్యిన ట్రైలర్, సాంగ్స్ కి ప్రేక్షకుల నుండి అశేష ఆధరణ లభించింది. ఈ బుధవారం, హీరో నవదీప్ ఆధ్వర్యంలో 'ప్రీమియర్ షో' ప్రదర్శించారు.
అనంతరం హీరో నవదీప్ మాట్లాడుతూ: ప్రతి ఒక్కరి జీవితంలో లైఫ్ జర్నీ అనేది సాఫీగా సాగదు. ప్రతి వ్యక్తి కింద నుంచి పైకి రావాలిసిందే. అలా పైకి వెళ్లిన వ్యక్తులు, కింద నుంచి పైకి రావాలి అనుకునే వాళ్ళని చెయ్యి అందిందామని ఆలోచనతో తీసుకున్న ఈ నిర్ణయమే 'సగిలేటి కథ' సినిమా. టీమ్ అందరు చాలా కసి గా పని చేసారు. చాలా టాలెంట్ ఉన్న టీం మా చిత్రం తో పరిచయమైనందుకు నాకు చాలా కిక్ ని ఇచ్చింది. ఈ సినిమా ప్రతి ఒక్కరికి నచ్చుతుందని నమ్ముతున్నాను అన్నారు.
డైరెక్టర్ రాజశేఖర్ సుద్మూన్: నేను తొమ్మిది సంవత్సరాలు నుంచి సినిమా ఫీల్డ్ లో ఉన్నాను. కేరీర్ మొదట్లో సినిమాకి వెళ్తాను అని తోటి వ్యక్తులకి చెప్పగానే, అడ్రస్ లేకుండా పోతావ్ అన్నారు. ఇప్పుడు చెప్తున్నాను, నా అడ్రస్ సి స్పెస్, పిన్ కోడ్ నవదీప్. ఈ సినిమా ఈ రేంజ్ కి రావడం కేవలం నవదీప్. నేను చేసిన ఈ సినిమా జర్నీ మొత్తం లో మొదటి నుంచి నాకు సపోర్ట్ గా నిలిచిన వ్యక్తి మా హీరో రవి మహాదాస్యం. ఈ సినిమా సక్సెస్ అయ్యితే ఫిఫ్టీ పర్సెంట్ క్రెడిట్ మా హీరో కి దక్కుతుంది. ఫెయిల్ అయ్యితే, అది నాకు దక్కుతుంది
ప్రొడ్యూజర్ దేవీప్రసాద్ మాట్లాడుతూ: మా చిత్రం 'చిన్న మూవీ' అనే పిలుపు తో స్టార్ట్ అయ్యి, 'పెద్ద మూవీ' అని గర్వంగా చెప్పుకునే విధంగా చేసింది. ఒకే ఒక వ్యక్తి, సి స్పెస్ ఫౌండర్ హీరో నవదీప్. మా సినిమా ఎండింగ్ లో పార్ట్ 2 అని పెట్టడానికి కారణం, సినిమా హిట్ అని బలంగా నమ్మడం. రాయలసీమ బ్యాక్డ్రాప్ లో తీసిన ఈ సినిమా ప్రతి ఒక్కరికి నచ్చుతుందని ఆశిస్తున్నాను.
హీరో రవి మహాదాస్యం మాట్లాడుతూ, ఈ సినిమాకి ప్రధాన బలం 'నవదీప్' గారు. ఈ సినిమా రాయలసీమ బ్యాక్డ్రాప్ లో అన్ని రకాల ఎమోషన్స్ ని పండించాం. అన్నారు. హీరోయిన్ విషిక లక్ష్మణ్ మాట్లాడుతూ, రియల్ లైఫ్ లో నేను చేసిన కృష్ణమ్మా క్యారెక్టర్ చాలా దగ్గర గా ఉంటుంది అన్నారు.
