రవితేజ 68వ చిత్రానికి సంబంధించిన అప్డేట్ ను ప్రకటించారు చిత్ర యూనిట్. రవితేజ కుర్చీలో కూర్చున్న స్టిల్ వెనుక‌భాగం క‌నిపించేలా చూపించారు. ఆయ‌న ఎదురుగా ఎగ్జిక్యూటివ్ మేజిస్ట్రేట్ కార్యాలయం అని బోర్డు చూపించడంతో ఆ కార్యాలయం ప‌నిమీద అక్క‌డి వ‌చ్చిన‌ట్లు తెలుస్తోంది. ఇంకేముంది. అక్క‌డ అవినీతి అక్ర‌మాల‌కు చెక్ పెట్ట‌డానికి వ‌చ్చిన‌ట్లుగా కనిపిస్తున్న ఈ చిత్ర‌క‌థ వ‌ర్త‌మాన సంఘ‌ట‌న‌ల‌తో రూపొందుతోంద‌ని తెలుస్తోంది.‘ఆర్టీ68’ షూటింగ్ నేడు ప్రారంభమైందని చిత్ర యూనిట్ వెల్లడించింది.
కాగా, ఈ చిత్రంలో ‘మజిలీ’ ఫేమ్ దివ్యాంశ కౌశిక్ హీరోయిన్ గా నటిస్తోంది. శరత్ మాండవ దర్శకత్వం వహిస్తున్నారు. నాజర్, నరేష్, పవిత్ర లోకేష్, రాహుల్ రామకృష్ణ సహాయక పాత్రలు పోషిస్తున్నారు. ఎస్‌ఎల్‌వి సినిమాస్, ఎల్‌ఎల్‌పి బ్యానర్ లపై నిర్మితమవుతున్న ఈ సినిమాకు స్వరకర్త సామ్ సిఎస్, సినిమాటోగ్రాఫర్ సత్యన్ సూర్యన్, ఆర్ట్ డైరెక్టర్ సాయి సురేష్.
