కన్నడ సినీ ఇండస్ట్రీ నుంచి టాలీవుడ్‌కు దిగుమతి అయిన భామల్లో రష్మిక మందన్నా ఒకరు. ఈ ముద్దుగుమ్మకు తెలుగులో వరుస సినీ ఆఫర్లు వస్తున్నాయి. పైగా, ఈ అమ్మడు నటిస్తున్న చిత్రాలన్నీ సూపర్ డూపర్ హిట్లే. ముఖ్యంగా, గత యేడాది ఈ అమ్మడు నటించిన రెండు చిత్రాలైన భీష్మ, సరిలేరు నీకెవ్వరు చిత్రాలు బాక్సాఫీస్‌ను షేక్ చేశాయి. ఇలా వరుస ఆఫర్లతో, సినిమా షుటింగులతో నిత్యం బిజీగా ఉన్నప్పటికీ.. వ్యాయామం చేయడం మాత్రం ఈ భామ మరచిపోవడం లేదు.
ఇంట్లో ఉన్నా, షూటింగ్‌లకు వెళ్లినా వర్కవుట్లు మాత్రం చేసి తీరాల్సిందే. పైగా, తన వర్కవుట్ వీడియోలను రష్మిక ఎప్పటికప్పుడు సోషల్ మీడియా ద్వారా అభిమానులతో పంచుకుంటుంటుంది. తాజాగా ఓ వీడియోను పోస్ట్ చేసిన రష్మిక.. 'వర్కవుట్ చేయడానికి మీకందరికీ ప్రేరణ అవసరమా? నన్ను చూసి నేర్చుకోండి' అంటూ కామెంట్స్ చేసింది.
ప్రస్తుతం అల్లు అర్జున్ - కె. సుకుమార్ కాంబినేషన్‌లో తెరకెక్కుతున్న పుష్ప చిత్రంలో నటిస్తున్న రష్మిక... తమిళంలో కూడా వరుస సినిమాలు చేస్తూ బీజీగా మారిపోయింది. అలాగే, ఇటీవల యువ హీరో శర్వానంద్ 'ఆడాళ్లూ మీకు జోహార్లు' అనే చిత్రంలో కూడా నటిస్తుండగా, ఈ చిత్రం షూటింగ్ ఇపుడు మొదలైంది.
