టాలీవుడ్ స్టార్ హీరోయిన్ రష్మిక ప్రస్తుతం వేరియంట్ రోల్ ఎంచుకుంది. పుష్పలో డీ-గ్లామర్ రోల్ పోషించిన ఈ ముద్దుగుమ్మ తాజాగా ఒక గ్రామంలో కిరాణ కొట్టు నడిపే వ్యక్తికి కూతురుగా కనిపిస్తుందట.
ఒక కిరాణా షాపు యజమాని కూతురు, బిజినెస్ విమెన్‌గా ఏ స్థాయికి ఎదిగిందనేదే కథలో కనిపించనుంది. ఇంతవరకూ ఆడిపాడే పాత్రలను చేస్తూ వచ్చిన రష్మిక, ఈ పాత్ర తనకి మంచి పేరు తీసుకువస్తుందనే నమ్మకంతో ఉందట. త్వరలోనే ఈ ప్రాజెక్టు పట్టాలెక్కనుంది.
ఈ లేడి ఓరియెంట్ పాత్ర కోసం రష్మిక బాగానే కసరత్తు చేస్తున్నట్లు సమాచాం. గీతా ఆర్ట్స్ 2 బ్యానర్‌పై బన్నీ వాసు నిర్మిస్తున్న ఈ సినిమాకి, రాహుల్ రవీంద్రన్ దర్శకుడిగా వ్యవహరించనున్నాడు.
ప్రస్తుతం అందుకు సంబంధించిన సన్నాహాలు చకచకా జరుగుతున్నాయి. ఇక శర్వానంద్ జోడీగా ఆమె చేస్తున్న 'ఆడవాళ్లు మీకు జోహార్లు' సెట్స్‌పై ఉంది.
