ప్రభాస్ హీరోగా ప్రతిష్టాత్మకంగా తెరకెక్కుతున్న చిత్రం సలార్. ఈ చిత్రంపై భారీ అంచనాలు నెలకొన్నాయి. ప్రశాంత్ నీల్ దర్శకత్వంలో 400 కోట్ల రూపాయలతో తెరకెక్కిన ఈ పాన్ ఇండియా మూవీ ఈ నెల 22న ప్రపంచ వ్యాప్తంగా విడుదుల కాబోతోంది. ఇందులో ప్రభాస్, పృధ్వీరాజ్ నటన అద్భుతంగా వుంటుందని చెపుతున్నారు.
ఇక అసలు విషయానికి వస్తే.. సలార్‌తో మా వ్యూహం సినిమాకు పోటీ ఉండదని అంటున్నారు రాంగోపాల్ వర్మ. ఈ చిత్రాన్ని డిసెంబర్ 29న విడుదల చేస్తున్నారు. ఈ సందర్భంగా ఆర్జీవీ మాట్లాడుతూ.. వ్యూహం, సలార్ రెండు వేర్వేరు జానర్ మూవీస్. ఏ సినిమా చూసే ఆడియెన్స్ ఆ సినిమాకు సెపరేట్‌గా ఉంటారు. ఈ కథలోని అంశాలు ప్రజలందరికీ తెలిసిన విషయాలు కావు. ఇన్ సైడ్ జరిగిన విషయాలు. అలాంటి అంశాలు ఈ సినిమాలో చూపిస్తున్నాం.
పవన్ కల్యాణ్ జనసేన పెట్టినప్పుడు ప్రసంగం విన్నాను. ఆ తర్వాత పవన్ స్టెప్స్ చూస్తే... ఆయన రాజకీయ ప్రయాణంలో స్థిరత్వం లేదనిపించింది. ఏ విషయాన్నైనా ఎవరికి వారు వారి కోణంలో అర్థం చేసుకుంటారు. వ్యూహం నాకు అర్థమైన కోణంలో రూపొందించిన సినిమా. వ్యూహంలో మీకున్న డౌట్స్ నా రాబోయో మూవీ శపథం చూస్తే క్లియర్ అవుతాయి అని అన్నారు.
