దంగల్ హిట్... అమీర్ ఖాన్ పాదాలకు మొక్కాల్సిందే: రామ్ గోపాల్ వర్మ

వంగవీటి సినిమా తీసి ఆరోపణలు, కేసులతో ఉక్కిరిబిక్కిరి అవుతున్న సంచలన దర్శకుడు రాంగోపాల్ వర్మ బాలీవుడ్ ఖాన్ త్రయంలో ఒకడైన అమీర్ ఖాన్‌ను తెగ పొగిడేశాడు. ఇంకా తాజాగా అమీర్ ఖాన్‌పై ఆసక్తికర వ్యాఖ్యలు చేశాడ

వంగవీటి సినిమా తీసి ఆరోపణలు, కేసులతో ఉక్కిరిబిక్కిరి అవుతున్న సంచలన దర్శకుడు రాంగోపాల్ వర్మ బాలీవుడ్ ఖాన్ త్రయంలో ఒకడైన అమీర్ ఖాన్‌ను తెగ పొగిడేశాడు. ఇంకా తాజాగా అమీర్ ఖాన్‌పై ఆసక్తికర వ్యాఖ్యలు చేశాడు వర్మ. ఇటీవలే అమీర్ నటించిన ''దంగల్'' విడుదలైంది. బాలీవుడ్ లో వసూళ్ల ప్రభంజనం సృష్టిస్తోంది. అమీర్ పెర్పామెన్స్ చూసి బాలీవుడ్ అంతా ప్రశంలతో ముంచెత్తింది. తాజాగా వర్మ తనదైనశైలిలో చెలరేగిపోయాడు.

దంగల్ కోసం 50 ఏళ్ల వయసులోనూ సిక్స్ ప్యాక్ లుక్ తీసుకురావడం.. మళ్లీ అదే చిత్రం కోసం బరువు పెరగడం.. డిఫరేంట్ వేరియేషన్స్ చూసి అమీర్ ఖాన్‌ను రామ్ గోపాల్ వర్మ ఆకాశానికి ఎత్తేశాడు. నాటి నుంచి నేటి వరకు ఏ నటుడు పిల్లల తండ్రి పాత్ర కోసం బరువు పెరిగారో చెప్పండని ఖాన్స్‌ను రామ్ గోపాల్ వర్మ ప్రశ్నించాడు. దంగల్ చూశాక మొత్తం చిత్ర పరిశ్రమ, మిగిలిన ఖాన్స్ జిమ్నాస్టిక్స్ మార్షల్ ఆర్ట్స్ నేర్చుకుని తీరాలని అభిప్రాయం వ్యక్తం చేశాడు. మొత్తానికి అమీర్ పాదాలకు మొక్కాల్సిందేనని రామ్ గోపాల్ వర్మ వ్యాఖ్యానించాడు.