తెలుగుదేశం పార్టీ అధ్యక్షుడు నారా చంద్రబాబు నాయుడు అరెస్ట్ ఇష్యూపై వివాదాస్పద దర్శకుడు సంచలన పోస్టులు పెడుతున్నారు. తాజాగా యంగ్ టైగర్ ఎన్టీఆర్‌ని ఉద్దేశిస్తూ ఆయన చేసిన ఓ ట్వీట్ తీవ్ర దుమారం రేపుతోంది. చంద్రబాబు అరెస్ట్‌ని ఎన్టీఆర్ పట్టించుకోవడం లేదని అర్థమవుతోందంటూ చిచ్చు పెట్టారు ఆర్జీవీ.
ఈ విషయాన్ని ప్రస్తుతం ఆర్జీవీ వివాదం చేస్తున్నాడు. చంద్రబాబు అరెస్ట్‌ని జూనియర్ ఎన్టీఆర్ కనీసం ఖండించలేదు. దీన్ని బట్టి టీడీపీ ఫ్యూచర్ దబిడి దిబిడే అంటూ కాంట్రవర్సీలకు దారితీసే ట్వీట్ చేశారు రామ్ గోపాల్ వర్మ.
ఈ వ్యాఖ్యలు సోషల్ మీడియాలో చర్చకు దారితీశాయి. వర్మ చేసిన ఈ ట్వీట్ టీడీపీ, వైసీపీ వర్గాల మధ్య మాటల దాడికి కారణమవుతోంది. కాగా చంద్రబాబు అరెస్ట్పై జూనియర్ ఎన్టీఆర్ నోరు మెదపలేదు. ఏదో సినిమాలు చేసుకుంటూ తన పని తాను చేసుకుంటూ పోతున్న సంగతి తెలిసిందే.
