Upasana Konidela's Cleankara
గ్లోబల్ స్టార్ రామ్ చరణ్, ఉపాసన కొణిదెల కుమార్తె క్లీంకార ఎప్పటికప్పుడు అభిమానుల మనసులను గెలుచుకుంటూ వస్తోంది. ఆమె ఈ రోజు (జూన్ 20) రెండో పుట్టినరోజును జరుపుకుంటోంది. ఈ సందర్భంగా, ఆమె జీవితంలో మెమరబుల్ మూమెంట్ చోటుచేసుకుంది.
గత సంవత్సరం హైదరాబాద్ జూ పార్క్‌కు వెళ్లిన సమయంలో, రామ్ చరణ్, ఉపాసనా, చిన్నారి క్లీంకార ఒక నవజాత తెల్ల బంగాళా పులి పిల్లను చూశారు. ఆ ప్రత్యేక క్షణాన్ని గుర్తుగా ఉంచుతూ, జూ అధికారులు ఆ పులి పిల్లకి ‘క్లీంకార ’ అనే పేరు పెట్టారు. ఇది వారి కుటుంబం జీవుల పట్ల చూపించే ప్రేమకు ఒక చిహ్నంగా నిలిచింది.
ఈ రోజు తన రెండో పుట్టినరోజు సందర్భంగా, క్లీంకార మొదటిసారిగా తన పేరును కలిగి ఉన్న తెల్ల పులిని ప్రత్యక్షంగా చూసింది. ఆ చిన్నారి, తెల్లటి పులిని మైమరచి చూడటాన్ని చూసి అందరూ ఆనందపడ్డారు. ఇది చిన్నారి కన్నులలో ఆశ్చర్యం, ప్రకృతితో కలిసిపోయే అనుబంధాన్ని గుర్తు అరుదైన క్షణంగా నిలిచింది
జంతువుల పట్ల సహానుభూతి, ప్రేమను ఎప్పుడూ చూపిస్తూ ఉండే రామ్ చరణ్, ఉపాసనా ఈరోజు అధికారికంగా ఆ పులిని దత్తత తీసుకున్నారు. హైదరాబాద్ జూ కు వారు అందిస్తున్న మద్దతు, జంతు సంరక్షణ పట్ల వారి నిబద్ధతకు నిదర్శనంగా నిలుస్తోంది.
ఈ పుట్టినరోజు వేడుక ఒక కుటుంబానికే కాదు, మనం ప్రకృతితో కలిసికట్టుగా జీవించాలన్న, ఇతర జీవుల రక్షణ బాధ్యత మనపై ఉందన్న సంకేతాన్ని ప్రపంచానికి గుర్తుచేసింది.
