తప్పు చేశావు జక్కన్నా...? శివగామి ఫైర్... ఏంటి సంగతి?
బాహుబలి అనగానే అందులో అమ్మ శివగామి క్యారెక్టర్ పోషించిన రమ్యకృష్ణ గుర్తుకు వస్తుంది. ఈ చిత్రంలో రమ్యకృష్ణది ప్రధాన పాత్ర. ఐతే బాహుబలి 1000 కోట్లు దాటిన సందర్భంగా దర్శకుడు రాజమౌళి ఓ ట్రెయిలర్ రూపొందించారు. 'బాహుబలి: ది కన్‌క్లూజన్‌.. నెం.1 బ్లాక్‌బస్ట
బాహుబలి అనగానే అందులో అమ్మ శివగామి క్యారెక్టర్ పోషించిన రమ్యకృష్ణ గుర్తుకు వస్తుంది. ఈ చిత్రంలో రమ్యకృష్ణది ప్రధాన పాత్ర. ఐతే బాహుబలి 1000 కోట్లు దాటిన సందర్భంగా దర్శకుడు రాజమౌళి ఓ ట్రెయిలర్ రూపొందించారు. 'బాహుబలి: ది కన్‌క్లూజన్‌.. నెం.1 బ్లాక్‌బస్టర్‌ ఆఫ్‌ ఇండియన్‌ సినిమా" పేరుతో 30 సెకన్ల ఓ వీడియోను విడుదల చేసింది. ఏప్రిల్ 28న విడుదలైన ఈ సినిమా పదిరోజుల్లోనే వెయ్యికోట్లు రాబట్టింది. అమెరికాలో వంద కోట్లు వసూలు చేసిన తొలి భారతీయ చిత్రంగా రికార్డు నెలకొల్పింది.
తాజాగా చిత్ర బృందం విడుదల చేసిన వీడియో సోషల్ మీడియాలో వైరల్ అయ్యింది. ‘ఒక ప్రాణం.. అంటూ సాగే పాటలతో ఈ వీడియో ప్రారంభం కాగా, మధ్య.. మధ్యలో "నీకెప్పుడైనా మీ అమ్మను చంపాలనిపించిందా?’ అంటూ బిజ్జలదేవుడి ప్రశ్న.. ‘దేవసేన ఒంటిపై చేయి పడితే బాహుబలి కత్తిపై చేయి పడినట్లే'' అంటూ అమరేంద్ర బాహుబలి డైలాగ్‌, "మన నెత్తురే ఓ మహాసేన" అంటూ మహేంద్ర బాహుబలిగా ఉద్వేగంతో చెప్పే డైలాగ్‌లున్నాయి. ఐతే బాహుబలికి వెన్నెముక లాంటి శివగామిని ఎక్కడా చూపించలేదు. దీనిపై ఇప్పుడు నెటిజన్లు తమదైన శైలిలో కామెంట్లు పోస్ట్ చేస్తున్నారు. తప్పు చేశావు జక్కన్నా...? శివగామి ఫైర్... అంటూ సెటైర్లు వేస్తున్నారు.
