టాలీవుడ్ కుర్రకారు హీరోయిన్లలో ఒకరు రాశీఖన్నా. పాలమీగడ లాంటి అందంతో కుర్రకారును ఫిదా చేసింది. ఈమె నవ్వడం ఒక యోగం అంటోంది. పైగా, ఈ మాటను తాను దైవంగా నమ్ముతాను అంటోంది. మనసులో చెడు ఆలోచనలను దూరంగా జరిపి... మనసారా నవ్వితే ఎంత ఒత్తిడైనా పటాపంచలవుతుందని అంటోంది. ఈమె తాజాగా నటిస్తున్న చిత్రం "వెంకీమామ". ఈ చిత్రంలో విక్టరీ వెంకటేష్ హీరో. ఈ చిత్రం షూటింగ్‌లో వీరిద్దరూ బిజీగా ఉన్నారు.
పైగా, సోషల్ మీడియా వేదికగా స్వీయ ప్రచారం చేసుకోవడంలో ఈమెకు ఈమె సాటి. ఈ నేపథ్యంలో రాశీఖన్నా స్పందిస్తూ అర్థరూపాయి ఖర్చు లేకుండా మనల్ని అలంకరించే ఆభరణం నవ్వు. ఎలాంటి కష్టాలనుంచైనా బయటపడేసే ఆయుధం నవ్వు. నన్ను ఎవరైనా నవ్విస్తే వాళ్లు నాకు బాగా నచ్చుతారు. నోరారా నవ్వితే రోగాలన్నీ మటుమాయమైపోతాయని నాకు అనుభవపూర్వకంగా తెలుసు. అందుకే మనల్ని నవ్వించే వారిని ఎట్టి పరిస్థితుల్లోనూ వదులుకోకూడదు. మన దరహాసాలను కోరుకునేవాళ్లు నిజంగా గొప్పవాళ్లే అంటూ వేదాలు వల్లిస్తోంది.
