లాక్‌డౌన్ పూర్త‌యింది ఇక షూటింగ్‌కు షురూ అయ్యాయి. ఒక్కో సినిమా ఒక్కో త‌ర‌హాలో ఆర్టిస్టుల డేట్స్ చూసుకుని మొద‌లు పెడుతున్నారు. అలాగే రాజ‌మౌళి ద‌ర్శ‌క‌త్వంలో రూపొందుతోన్న ఆర్‌.ఆర్‌.ఆర్‌. కూడా వ‌చ్చే నెల‌లో మొద‌లు కానుంద‌ని తెలుస్తోంది. ఇప్ప‌టికే దాదాపు షూట్ పూర్త‌యిన‌ట్లు స‌మాచారం. దీనిపై చిత్ర నిర్మాత డీవీవీ దానయ్య క్లారిటీ ఇచ్చినట్టు తెలుస్తుంది. ఈ చిత్రంలో ఇంకా కేవలం రెండు పాటలు, కొంత పేచ్ వ‌ర్క్‌ తాలూకా షూట్ మాత్రమే బ్యాలన్స్ ఉందని అవి పూర్తయితే ఈ షూట్ పూర్తవుతుందని ఓ మీడియ‌తో తెలిపిన‌ట్లు తెలుస్తోంది. సో ఈ విషయంలో ఒక క్లారిటీ వచ్చినట్టే అని చెప్పాలి. అలాగే ఈ భారీ చిత్రం షూట్ కూడా ఈ జూన్ నెలాఖరు నుంచే స్టార్ట్ చేస్తున్నట్టుగా మరో క్లారిటీ కూడా ఇచ్చారు.
ఎందుకంటే, ఈ చిత్రంలో బాలీవుడ్ స్టార్ హీరోయిన్ ఆలియా భట్ పై కొన్ని స‌న్నివేశాలు చిత్రీక‌రించాలి. దానితోపాటు పాట కూడా వుందంట. ఆమె ప్రస్తుతం బాలీవుడ్ లో చేస్తున్న `గంగూభాయ్ ఖతియవాది” ముగింపు ద‌శ‌లో వుంది. కేవలం రెండు రోజులు పాల్గొనాల్సి ఉండగా అది కాస్త ఈ నెలలోనే పూర్తి చేయ‌నుంది. ఆ త‌ర్వాత ఆర్‌.ఆర్‌.ఆర్‌.కు డేట్స్ ఇచ్చిన‌ట్లు జూలై మొదటి వారం నుంచి పాల్గొననున్న‌ద‌ని స‌మాచారం. రామ్‌ చరణ్ చేస్తున్న అల్లూరి పాత్ర సరసన సీతగా నటిస్తుంది.
