దివంగత ప్రధాని పీవీ నరసింహారావు జీవిత చరిత్రపై బయోపిక్ సిరీస్‌కు సంబంధించిన వార్త నెట్టింట వైరల్ అవుతోంది. ఇటీవలే పీవీ మరణానంతరం ప్రతిష్టాత్మకమైన భారతరత్నతో సత్కరించడంతో, పీవీ బయోపిక్ తెరకెక్కుతోంది. ఈ సినిమాకు 'హాఫ్ లయన్' అని పేరు పెట్టారు.
దీనికి జాతీయ అవార్డు గెలుచుకున్న చిత్ర నిర్మాత ప్రకాష్ ఝా దర్శకత్వం వహిస్తున్నారు. వినయ్ సీతాపతి రచించిన "హాఫ్ లయన్" పుస్తకం ఆధారంగా ఈ బయోపిక్ రూపొందుతుండగా, భారతదేశాన్ని ధీటుగా పాలించిన తెలుగు తేజం గురించి కాంగ్రెస్ పార్టీ ఎప్పటినుంచో దాచిపెట్టిన కొన్ని వాస్తవాలను ఈ సిరీస్ చూపుతుందా అనేది తెలియాల్సి వుంది.
మాజీ ప్రధాని పీవీ నరసింహారావు 1991 నుండి 1996 వరకు తన పదవీ కాలంలో భారతదేశ ఆర్థిక వ్యవస్థను విప్లవాత్మకంగా మార్చడంలో కీలక పాత్ర పోషించారు.
