ఐకాన్ స్టార్ అల్లు అర్జున్ తాజా సినిమా పుష్ప: ది రైజ్‌కి సీక్వెల్‌గా ఎదురుచూస్తున్న చిత్రం ఆగస్టు 15న థియేటర్లలో విడుదల కానుంది. ఇంకా 200 రోజులలో పుష్ప పాలన చేయబోతన్నాడంటూ చిత్ర నిర్మాణ సంస్థ నుంచి తాజా సమాచారం తెలియజేశారు. ఇంతకుముందు ఈ సినిమా వాయిదా అనే వార్తను ఖండిస్తూ సుకుమార్ తన పుట్టిన రోజున ఈ చిత్రం ఆగస్టు 15న థియేటర్లలో విడుదల కానుంది అని తెలిపారు.
తాజాగా నేడు మరోసారి వివరణ ఇస్తూ తెలియజేశారు. మొదటి భాగానికి మించి ఈ సినిమా వుంటుందనీ తెలుస్తోంది. ఇందు కోసం హాలీవుడ్ యాక్షన్ కొరియోగ్రాఫర్లు కూడా ఈ సినిమాకు పనిచేస్తున్నారు. చాలా రియలిస్టిక్ గా ఈ సినిమా వుంటుందనీ తెలుస్తోంది. పుష్ప 2: ది రూల్‌లో ఫహద్ ఫాసిల్, రష్మిక మందన్న, జగపతి బాబు, ప్రకాష్ రాజ్ తదితరులు నటిస్తున్నారు. పాన్ వరల్డ్ గా ఈ సినిమాను విడుదలచేసే పనిలో సుకుమార్ వున్నారు.
