కార్తీకదీపం సీరియల్ వంటలక్క, డాక్టర్ బాబు క్యారెక్టర్లు బాగా క్రేజ్ తీసుకొచ్చాయి. ఇక వంటలక్క పాత్రను కేరళకు చెందిన ప్రేమీ విశ్వనాథ్, డాక్టర్ బాబు క్యారెక్టర్‌‌ను నిరుపమ్ పోషించారు.
అయితే, ఈ సీరియల్‌లో ఇటీవలే ఈ రెండు పాత్రలు రోడ్డు ప్రమాదంలో చనిపోయాయి. దీంతో, టాప్ రేటింగ్‌లో కొనసాగిన ఈ సీరియల్... ఇప్పుడు కాస్త వెనుకబడిపోయింది.
ఈ సీరియల్ గురించి పక్కన పెడితే... ప్రేమీ విశ్వనాథ్ ఒక ఉద్యోగ ప్రకటనను ఇచ్చింది. ఫేస్ బుక్ లో ఈ ప్రకటనను పోస్ట్ చేసింది.
'అన్ని రకాల ఫోర్ వీలర్ (ఆటోమేటిక్, మాన్యువల్) డ్రైవర్లు కావలెను' అని ఆమె పేర్కొంది. దీనికి తోడు ట్యాలీలో రెండేళ్ల అనుభవం ఉన్న అకౌంటెంట్ కావాలని చెప్పారు. ఎంపికైన వారు కొచ్చిలోని ఎర్నాకులంలో పని చేయాల్సి ఉంటుంది.
