నా పుట్టుకను నా తల్లిదండ్రులు జీర్ణించుకోలేక పోయారు : రేణూ దేశాయ్

రేణూ దేశాయ్.. పవర్ స్టార్ పవన్ కళ్యాణ్ మాజీ భార్య. దర్శకురాలు కూడా. ఈమె మహిళా దినోత్సవం రోజున ఆసక్తికర వ్యాఖ్యలు చేసింది. సినిమా రంగానికి రాకముందు.. అంటే ఓ ఆడపిల్లగా, సినీ రంగంలోకి వచ్చాక ఓ హీరోయిన్‌గ

రేణూ దేశాయ్.. పవర్ స్టార్ పవన్ కళ్యాణ్ మాజీ భార్య. దర్శకురాలు కూడా. ఈమె మహిళా దినోత్సవం రోజున ఆసక్తికర వ్యాఖ్యలు చేసింది. సినిమా రంగానికి రాకముందు.. అంటే ఓ ఆడపిల్లగా, సినీ రంగంలోకి వచ్చాక ఓ హీరోయిన్‌గా, ఓ ఇంటికి ఇల్లాలిగా అనేక బాధలు పడినట్టు తెలిపింది. ముఖ్యంగా... ఓ బాలికగా తన ఇంట్లోనే ఎదుర్కొన్న వివక్షతను తెలిపేలా ఈ వ్యాఖ్యలు చేసింది. చిన్నప్పుడు తాను చాలా కష్టాలు ఎదుర్కొన్నానని, ఇప్పుడు ఈ స్టేజ్‌లో ఉండడానికి కారణం తన పట్టుదల, కృషేనని, తనకు అండగా ఏ ఒక్కరూ లేరంటూ పేర్కొంది. 

రేణూ దేశాయ్ చేసిన వ్యాఖ్యలను పరిశీలిస్తే... ‘మా అక్క తర్వాత ఓ మగబిడ్డ పుడతాడని మా అమ్మానాన్న ఎదురుచూశారు. కానీ, నేను పుట్టేసరికి వారు నిరుత్సాహంలో కూరుకుపోయారు. నా పుట్టుకను వారు జీర్ణించుకోలేకపోయారు. రెండో బిడ్డ కూడా ఆడపిల్లే అని తెలియడంతో మా నాన్న మూడు రోజుల వరకు ఆస్పత్రికి రాలేదని గుర్తు చేసింది. 

అంతేకాదు... మా సొంతింట్లోనే మా అక్క, నేను ఎంతో వివక్షతను ఎదుర్కొన్నాం. మా తమ్ముడిని మా పేరెంట్స్‌ దేవుడిలా చూసేవారు. మేం ఎంత చిన్న తప్పు చేసినా దండించే అమ్మానాన్న వాడిని మాత్రం ఏమీ అనేవారు కాదు. ఒకసారి ఈ వివక్షతను గురించి ప్రశ్నించినందకు మా అమ్మ చేత దెబ్బలు తిన్నా. అందుకే టీనేజ్‌లోకి వచ్చాక నేను టామ్‌బాయ్‌లా మారపోయాన’ని ఆమె చెప్పుకొచ్చింది.