కన్నడ నటుడు యాష్‌ క్రేజ్ ఒక్కసారిగా పెరిగిపోయింది. ఒకే ఒక్క సినిమా కెజిఎఫ్‌‌తో తెలుగు, తమిళ సినీపరిశ్రమలో కూడా యాష్‌‌కు లక్షలాదిమంది ప్రేక్షకులు దగ్గరయ్యారు. 2010 సంవత్సరంలో కన్నడ సినీపరిశ్రమలోకి అడుగుపెట్టిన యాష్‌ ఎన్నో సినిమాల్లో నటించారు.
యాష్‌‌కు కన్నడ సినీ పరిశ్రమలో మంచి పేరే ఉంది. యువ నటుడిగా ఎన్నో సినిమాలు తీశారు. అయితే తాజాగా ఆయన నటించిన కెజిఎఫ్‌ చిత్రం తెలుగు, తమిళం, కన్నడ సినీ పరిశ్రమల్లో భారీ కలెక్షన్లతో ముందుకు వెళుతోంది. మూడు రోజుల్లో 58 కోట్ల రూపాయల భారీ కలెక్షన్లతో ముందుకు సాగుతోంది.
సినిమా సక్సెస్ మీట్లో భాగంగా యాష్‌ తిరుపతిలోని సంధ్య థియేటర్‌కు వచ్చారు. యాష్‌‌తో పాటు హీరోయిన్ శ్రీనిధి శెట్టిలు ప్రేక్షకులతో కలిసి సినిమాను తిలకించారు. థియేటర్లో అభిమానులను ఉద్దేశించి ఆశక్తికర వ్యాఖ్యలు చేశారు యాష్‌. తినడానికి తిండి లేక ఎన్నో ఇబ్బందులు పడేవాడిని. నా తండ్రి టాక్సీడ్రైవర్. తినడానికి డబ్బులు లేక కుటుంబ సభ్యులందరూ ఎన్నో ఇబ్బందులు పడేవాళ్ళం. నాలుగువేళ్ళు నోటిలోకి వెళ్ళేవు కావు. మూడు పూటల్లో ఒక్క పూట మాత్రమే భోజనం. అది తలుచుకుంటేనే కంట్లో నీళ్ళు వచ్చేస్తుందంటూ ఉద్వేగానికి లోనయ్యారు. చూడండి వీడియో...
