Mahesh babu, namarta loved so much
రోజులు త్వ‌ర‌గా గ‌డిచిపోతున్నాయి. త‌మ వివాహం జరిగి అప్పుడే 16 సంవ‌త్స‌రాలు అయిపోయాయంటే ఆశ్చ‌ర్యంగా వుందంటూ మ‌హేశ్‌బాబు స‌తీమ‌ణి న్ర‌మ‌త సోష‌ల్‌మీడియాలో వెల్ల‌డించింది. పెండ్ల‌యిన నాటినుంచి మ‌హేష్‌బాబును ఎంతో కేర్‌గా చూసుకుంటూ ప్ర‌తి విష‌యంలో వెన్నంటివుండేది. అందుకే వారిద్ద‌రికీ టాలీవుడ్‌లోని అత్యంత అన్యోన్యమైన జంటగా ఎంతో మందికి ఆదర్శంగా నిలిచారు మహేష్ బాబు, నమ్రత.
ఈ రోజు (బుధవారం) వీరి వివాహ వార్షికోత్సవం.ఈ సందర్భంగా నమత్ర సోషల్ మీడియా ద్వారా మహేష్‌కు విషెస్ చెప్పారు. `16 ఏళ్లు చాలా సులభంగా గడిచిపోయాయి. బలమైన ప్రేమ, నమ్మకం, విశ్వాసం కలయికతో మన వైవాహిక జీవితం రూపుదిద్దుకుంది.
వివాహ వార్షికోత్సవ శుభాకాంక్షలు మహేష్ బాబు. నిన్ను మరింత ఎక్కువగా ప్రేమిస్తున్నానని నమ్రత కామెంట్ చేశారు. మహేష్‌ను ముద్దు పెట్టుకుంటున్న ఫొటోను కూడా పోస్ట్ చేశారు. మ‌హేష్‌కూడా త‌న‌కూ అలాగే వుందంటూ పోస్ట్ చేశాడు. త‌న కుటుంబంతో మహేష్ దుబాయ్ షూటింగ్‌లో వున్నారు.
