మెగాబ్రదర్ నాగబాబు తనయుడు వరుణ్ తేజ్ పెళ్లిపై ప్రస్తుతం చర్చ సాగుతోంది. తాజాగా ఇదే అంశంపై వరుణ్ తేజ్ తండ్రి నాగబాబు రియాక్ట్ అయ్యారు. వరుణ్‌కి పెళ్లి సంబంధాలు చూస్తున్నాం కానీ వాడే వద్దంటున్నాడంటూ గతంలో ఓ ఇంటర్వ్యూలో వెల్లడించిన నాగబాబు ఈ సారి ఆ పెళ్లి విషయమై ఓపెన్ కామెంట్ చేశారు.
సోషల్ మీడియాలో ఫ్యాన్స్‌తో చిట్‌చాట్‌ చేస్తున్న నాగబాబుకు 'వరుణ్‌తేజ్‌ పెళ్లెప్పుడు?' అన్న ప్రశ్న ఎదురైంది. దీంతో దీనిపై బదులిచ్చిన మెగా బ్రదర్.. వరుణ్ తేజే ఆన్సరిస్తాడని చెప్పి తెలివిగా తప్పించుకున్నాడు.
ఇక వరుణ్ తేజ్ సినిమాల విషయానికొస్తే.. మరికొద్ది రోజుల్లో కిరణ్ కొర్రపాటి దర్శకత్వంలో తెరకెక్కుతున్న 'గని' సినిమాతో ప్రేక్షకుల ముందుకు రాబోతున్నాడు.
ఈ సినిమాలో బాక్సర్‌గా సరికొత్త లుక్‌లో కనిపించనున్నాడు వరుణ్. ఏప్రిల్‌ 8న ఈ సినిమా విడుదల కానుంది. దీంతో పాటు అనిల్ రావిపూడి దర్శకత్వంలో విక్టరీ వెంకటేష్‌తో కలిసి F3 మూవీ చేస్తున్నాడు.
