మహిళలు కేవలం ఇల్లాలిగా ఉంటే తప్పేంటి? నా కూతురు పెంపుడు పప్పీ కాదు: మీరా రాజ్ పుత్
బాలీవుడ్ స్టార్ హీరో షాహిద్ కపూర్ సతీమణి మీరా రాజ్ పుత్ చేసిన వ్యాఖ్యలు ప్రస్తుతం బిటౌన్‌లో హాట్ టాపిక్‌గా మారాయి. బాలీవుడ్‌లో పెళ్లి, సంతానం తర్వాత కరీనా కపూర్ ఖాన్ లాంటి హీరోయిన్లు తిరిగి సినిమాల్లో
బాలీవుడ్ స్టార్ హీరో షాహిద్ కపూర్ సతీమణి మీరా రాజ్ పుత్ చేసిన వ్యాఖ్యలు ప్రస్తుతం బిటౌన్‌లో హాట్ టాపిక్‌గా మారాయి. బాలీవుడ్‌లో పెళ్లి, సంతానం తర్వాత కరీనా కపూర్ ఖాన్ లాంటి హీరోయిన్లు తిరిగి సినిమాల్లో నటిస్తుంటే.. రాజ్ పుత్ మాత్రం.. గృహిణిగా ఉండటమే తనకిష్టమని చెప్తోంది.
సినీ పరిశ్రమలో వివాహం తర్వాత కూడా నటించాలనే డిమాండ్ పెరిగిపోతున్న వేళ.. అంతర్జాతీయ మహిళా దినోత్సవాన్ని పురస్కరించుకుని ఓ కార్యక్రమంలో మీరా రాజ్ పుత్ మాట్లాడుతూ.. తాను బాధ్యత గల గృహిణిని అని చెప్పుకోవడానికి ఎంతో గర్వపడతానని.. మహిళలు కేవలం ఇల్లాలిగా ఎందుకు ఉండకూడదంటూ ప్రశ్నించింది. ఈ విషయంలో ఎవరి ఆలోచనలు, అభిప్రాయాలు వారికుంటాయి. అలాగే తన ఆలోచనలు తనకున్నాయని చెప్పుకొచ్చింది.
తన కుమార్తె మిషాను ఈ ప్రపంచంలోకి తీసుకొచ్చేందుకు ఎంతగానో కష్టపడ్డానని.. అలాంటి పిల్లలతో హడావుడిగా గడిపి ఉద్యోగం, పని అంటూ వారిని విడిచి వెళ్ళిపోవడం తనకు నచ్చదని వ్యాఖ్యానించింది. ఓ తల్లిగా తాను తన కుమార్తె బాధ్యతలు నిర్వర్తించాలనుకుంటున్నాను. ఆమెకు అన్ని విధాలుగా అండగా ఉండాలనుకుంటున్నాను.
మిషా తన కన్నకూతురని.. తాను ఇంట్లో పెంచుకునే కుక్కపిల్ల కాదని వ్యాఖ్యానించింది. మీరా రాజ్ పుత్ వ్యాఖ్యలతో బిటౌన్ హీరోయిన్లంతా షాక్ తిన్నారు. ఇదేంటి.. షాహిద్ భార్య ఇలా మాట్లాడేసిందే? అంటూ చర్చించుకుంటున్నారు.
