సీనియర్ హీరోయిన్ అన్షు అంబానీ.. అదేనండి.. మన్మథుడు హీరోయిన్. ప్రస్తుతం ఈమె సినిమాలకు దూరం అయినా.. సోషల్ మీడియాలో మాత్రం యాక్టివ్‌గా వుంటోంది. నాగార్జున ప్రధాన పాత్రలో నటించిన మన్మధుడు సినిమాలో హీరోయిన్‌గా నటించింది.
ఈ మూవీలో ఎంతో అమాయకంగా.. సంప్రదాయబద్దంగా కనిపించి తెలుగు ప్రేక్షకుల మనసులలో చెరగని ముద్ర వేసుకుంది. ఈ మూవీ అప్పట్లో బ్లాక్ బస్టర్ హిట్.
ఆ తర్వాత ప్రభాస్ హీరోగా నటించి రాఘవేంద్ర సినిమాలో నటించింది. అయితే ఈ రెండు సినిమాల్లోనూ అన్షు సగం మూవీ మాత్రమే ఉంటుంది.
ఈ చిత్రాల తర్వాత అన్షు నీలకంఠ తెరకెక్కించిన మిస్సమ్మ సినిమాలో అతిథి పాత్రలో మెరిసింది. చేసింది తక్కువ సినిమాలే అయినా.. తెలుగు ప్రేక్షకులకు దగ్గరయ్యింది.
తెలుగులోనే కాకుండా.. కన్నడలోనూ పలు చిత్రాల్లో నటించి మెప్పించింది. ఆ తర్వాత లండన్కు చెందిన వ్యాపారవేత్త సచిన్ను పెళ్లి చేసుకుని అక్కడే సెటిల్ అయ్యింది. వీరికి ఒక పాప, బాబు ఉన్నారు. ఈమె ఫోటోలు ప్రస్తుతం నెట్టింట వైరల్ అవుతున్నాయి.
