గుంటూరు కారం సినిమా కోసం స్పైసీ మాస్ సాంగ్ ను మహేష్, శ్రీలీల పై చిత్రీకరించారు. దీనిని నిన్ననే చూశాననీ, ఆ సాంగ్ లో ఇద్దరూ చితక్కోటేసారని చిత్ర నిర్మాత నాగవంశీ తెలియజేశారు. ఇంతకుముందు ఓ సాంగ్ ను చిత్రీకరించారు. అధి హీరో బిల్డప్ సాంగ్ గా వుంటుంది. అయితే ఈ మాస్ సాంగ్ చిత్రానికి హైలైట్ గా వుంటుందని చెబుతున్నారు. మన మాస్ బాషలో చెప్పాలి అంటే...ఆ కుర్చీని మడత పెట్టీ.. అంటూ సోషల్ మీడియా లో నిర్మాత తెలియజేశారు.
త్రివిక్రమ్ శ్రీనివాస్ దర్శకత్వం వహిస్తున్న ఈ సినిమాపై భారీ హైప్ వుండడంతో అభిమానులు ఎదురుచూస్తున్నారు. ఇప్పటికే ఈ సినిమా షూటింగ్ శరవేగంగా పూర్తవుతుండగా, ఇదిలా వుండగా, గుంటూరు కారం అనే టైటిల్ పై మొదట్లో డివైడ్ టాక్ వున్నా, వ్యాపారపరంగా మంచి రేటు పలికిందని ట్రేడ్ వర్గాలు తెలియజేస్తున్నాయి. తెలుగు వెర్షన్ 120 కోట్ల థియేట్రికల్ బిజినెస్ చేసిందని వార్తలు వస్తున్నాయి. ఎస్. థమన్ సంగీతం అందించారు. హారిక హాసిని క్రియేషన్స్ పతాకంపై రూపొందుతోన్న ఈ సినిమాలో మీనాక్షి చౌదరి కూడా నటిస్తోంది. జనవరి 12 న సినిమా విడుదలకాబోతోంది.
