జక్కన్న ప్రస్తుతం సూపర్ స్టార్ మహేష్ బాబు కొత్త సినిమా చేసేందుకు రంగం సిద్ధం చేసుకున్నారు. జక్కన్న ఏ సినిమా తీసినా రెండేళ్ల కంటే ఎక్కువగా తీసుకుంటారు. ఇది తెలిసి కూడా మహేశ్‌ బాబు కొత్తసినిమా పై ఇప్పుడే ఫోకస్ పెట్టడం ఇండస్ట్రీ వర్గాలను ఆశ్చర్యపరుస్తున్నాయి.
మహేశ్‌ కెరీర్‌లో తెరకెక్కే 30 చిత్రానికి దర్శకుడు ఎవరూ అనేది ఇప్పుడు హాట్ టాపిక్‌గా మారింది. రాజమౌళితో మూవీ తర్వాత సుకుమార్ లేదా సందీప్ వంగాతో సినిమా చేసేందుకు మహేశ్‌ ఇప్పటి నుంచే చర్చలు జరుపుతున్నాడట.
అదే నిజమైతే సూపర్ స్టార్ ఫ్యాన్స్‌కు పండగే. కాని ఈ ప్రాజెక్ట్ పట్టాలెక్కాలంటే ముందు రాజమౌళితో మూవీ కంప్లీట్ కావాల్సి ఉంటుంది.
సూపర్ స్టార్ మహేశ్‌ బాబు ప్రస్తుతం సర్కారు వారి పాట సక్సెస్‌ను ఎంజాయ్ చేస్తున్నాడు. ఫ్యామిలీతో కలిసి యూరప్‌ ట్రిప్‌ వేశాడు. తిరిగి ఇండియాకు రాగానే త్రివిక్రమ్ మూవీని పట్టాలెక్కించనున్నాడు. 2023 ప్రారంభంలో రాజమౌళి- మహేశ్‌ బాబు కొత్త సినిమా ప్రారంభం కానుంది.
