మహేష్ బాబు ప్రస్తుతం నటిస్తున్న చిత్రం మహర్షి. ఈ చిత్రం మే 9వ తేదీన రిలీజ్‌కి సిద్ధం అవుతున్న సంగతి తెలిసిందే. ఈ సినిమాలోని రెండు సింగిల్స్‌ను ఇప్పటికే విడుదల చేశారు. మొదటిది మహేష్‌ను పరిచయం చేసేది కాగా రెండోది స్నేహం గురించి చెప్పే సాంగ్. ఈ రెండు సాంగ్స్ యువతను బాగా ఆకట్టుకున్నాయి. ఇటీవలే విడుదల చేసిన టీజర్ కూడా ఆకట్టుకోవడంతో సినిమాపై అంచనాలు రెట్టింపయ్యాయి.
ఈ విషయాన్ని పక్కన పెడితే మహర్షి సినిమాలోని మూడో సింగిల్ ఎవరెస్టు అంచున అనే సాంగ్‌ను ఏప్రిల్ 19వ తేదీ సాయంత్రం 4:05 గంటలకు రిలీజ్ చేయనున్నారు. ఈ విషయాన్ని దర్శకుడు వంశీ పైడిపల్లి స్వయంగా తన ట్విట్టర్ ద్వారా పేర్కొన్నాడు. ఎవరెస్టు అంచున పాటకు సంబంధించిన ఫోటోను ట్విట్టర్‌లో రిలీజ్ చేయడం ద్వారా అద్భుతమైన రెస్పాన్స్ వస్తోంది.
