Eesha Rebba, Raashi Singh, Kushita Kallapu
ఈషా రెబ్బా, సత్య, హర్ష చెముడు, ప్రిన్స్ సిసిల్, హేమ, సత్యం రాజేశ్, కుషిత కల్లపు ప్రధాన పాత్రల్లో నటించిన వెబ్ సిరీస్ "త్రీ రోజెస్". ఆహా ఓటీటీలో సూపర్ హిట్టయిన ఈ సిరీస్ సీజన్ 2 డిసెంబర్ 12వ తేదీ నుంచి స్ట్రీమింగ్ కు రెడీ అవుతోంది. రాశీ సింగ్ మరో కీ రోల్ చేసింది. ఈ సిరీస్ ను మాస్ మూవీ మేకర్స్ బ్యానర్ పై ఎస్ కేఎన్ నిర్మిస్తున్నారు. డైరెక్టర్ మారుతి షో రన్నర్ గా వ్యవహరిస్తున్నారు. రవి నంబూరి, సందీప్ బొల్ల రచన చేయగా..కిరణ్ కె కరవల్ల దర్శకత్వం వహించారు. ఈ రోజు ఈ వెబ్ సిరీస్ నుంచి లైఫ్ ఈజ్ ఎ గేమ్ లిరికల్ సాంగ్ రిలీజ్ చేశారు.
లైఫ్ ఈజ్ ఎ గేమ్ పాటకు భాస్కరభట్ల రవికుమార్ ఇన్స్ పైరింగ్ లిరిక్స్ రాయగా, లిప్సిక అందంగా పాడారు. అజయ్ అరసాడ ఛాట్ బస్టర్ ట్యూన్ చేశారు. "త్రీ రోజెస్" సీజన్ 2 సిరీస్ లో ఫీమేల్ లీడ్ రోల్స్ చేసిన ఈషా రెబ్బా, రాశీ సింగ్, కుషిత కల్లపు వెకేషన్ లో ఎంజాయ్ చేస్తున్న సందర్భంగా ఈ సాంగ్ ను రూపొందించారు. ఈ పాట ఎలా ఉందో చూస్తే - ' లైఫ్ అంటేనే ఆగని ఆట, కథ ముగిసేది ఆగిన చోట, గెలుపే లేని పందెం ఉందా, నేడో రేపో పరిచయమవనంటుందా, ఎన్నాళ్లు ఎన్నాళ్లు ఎన్నాళ్లిలా, కల జారిపోతుంటే కన్నీళ్లలా, కల్లాలు సంకెళ్లు తెంచాలిగా, నీ లైఫ్ , నీ బాసు నువ్వేగా..' అంటూ సాగుతుందీ పాట. మల్టిపుల్ లొకేషన్స్ లో గ్రాండ్ గా ఈ పాటను పిక్చరైజ్ చేశారు.
