Select Your Language

Notifications

webdunia
webdunia
webdunia
webdunia

లారెన్స్ మూవీ లక్ష్మీ బాంబ్‌కి కష్టాలు, ఇంతకీ ఏమైంది..?

Advertiesment
Lawrence
, శుక్రవారం, 30 అక్టోబరు 2020 (19:29 IST)
రాఘవ లారెన్స్ తెలుగు, తమిళ్‌లో సినిమాలు చేస్తూ... దర్శకుడిగా తనకంటూ ఓ ప్రత్యేక గుర్తింపు ఏర్పరుచుకున్నాడు. తన సినిమాలతో వరుస విజయాలు సాధించాడు. దీంతో లారెన్స్‌కి బాలీవుడ్ నుంచి బంపర్ ఆఫర్ వచ్చింది. బాలీవుడ్ స్టార్ హీరో అక్షయ్ కుమార్ లారెన్స్‌తో సినిమా చేయడానికి ముందుకొచ్చారు.
 
తెలుగు, తమిళ్‌లో తెరకెక్కించిన కాంచన సినిమాని లారెన్స్ బాలీవుడ్లో లక్ష్మి బాంబ్ టైటిల్‌తో రీమేక్ చేసారు. ఈ మూవీ ట్రైలర్‌కి అనూహ్యమైన స్పందన వచ్చింది. అక్షయ్ కుమార్ నుంచి వస్తున్న మరో డిఫరెంట్ మూవీ అంటూ అక్కడ మీడియాలో వార్తలు వచ్చాయి. రాఘవ లారెన్స్ హిందీలో తీసిన మొదటి సినిమా ఇది. డైరెక్ట్‌గా డిస్నీ హాట్ స్టార్లో రిలీజ్ అవుతోంది.
 
ఈ చిత్రం నవంబర్ 9న స్ట్రీమ్ అవుతుంది. అయితే... ఈ సినిమా టైటిల్ చేంజ్ అయింది. లక్ష్మి బాంబ్ అనే టైటిల్ నుంచి బాంబు ఎగిరిపోయింది. సినిమా టైటిల్ ఇప్పుడు… లక్ష్మి మాత్రమే. ఇంతకీ ఏమైందంటే... లక్ష్మి దేవత పేరు పెట్టి బాంబ్ అని అవమానిస్తారా..? అని వివాదం మొదలైంది. ఈ వివాదం అక్కడ ముదరడంతో టైటిల్లో మార్పు చేయాల్సి వచ్చింది. ఇందులో అక్షయ్ కుమార్, కియారా అద్వానీ జంటగా నటించారు. 
 
ఇప్పటివరకు సౌత్‌కే పరిమితమైన లారెన్స్ ఈ సినిమాతో బాలీవుడ్లో ఎంట్రీ ఇచ్చాడు. మరి.. ఈ సినిమా లారెన్స్‌కి ఎలాంటి విజయాన్ని అందిస్తుందో చూడాలి.

Share this Story:

Follow Webdunia telugu

తర్వాతి కథనం

టాలీవుడ్ నటి పునర్నవి నిశ్చితార్థంలో షాక్, అంతా ఉత్తదే...