రాయ్‌లక్ష్మీ ప్రధాన పాత్రలో రూపొందుతున్న చిత్రం జనతాబార్. రమణ మొగిలి దర్శకుడు. సన్ షైన్ ఆర్ట్స్ అశ్వర్థనారాయణ సమర్పణలో రోచిశ్రీ మూవీస్ పతాకంపై నిర్మాణం జరుపుకుంటోంది. రెండు పాటలు మినహా షూటింగ్‌ను పూర్తిచేసుకున్న ఈ చిత్ర విశేషాలను దర్శకుడు రమణమొగిలి తెలియజేస్తూ రాయ్‌లక్ష్మీ కెరీర్‌లోనే ఇదొక డిఫరెంట్ చిత్రం. ఆమె పాత్ర చిత్రానికి హైలైట్‌గా వుంటుంది.
బాలీవుడ్ నటుడు శక్తికపూర్ ని ఈ చిత్రం ద్వారా తెలుగు సినీ పరిశ్రమకి పరిచయం చేయడం గర్వంగా ఉందని అన్నారు. స్పోర్ట్స్‌ను కెరీర్‌గా ఎంచుకున్న మహిళలపై ఆ స్పోర్ట్స్ ఉన్నతాధికారులు తమ అధికారాన్ని అడ్డుపెట్టుకుని చేస్తున్న సెక్సువల్ హారాస్‌మెంట్‌కు చరమగీతం పాడటానికి పోరాడిన ఓ మహిళ కథ ఆధారంగా కమర్షియల్ అంశాలతో రూపొందుతున్న సినిమా ఇది. తప్పకుండా చిత్రం ఘనవిజయం సాధిస్తుందనే నమ్మకం వుందని ఈ చిత్రానికి కథ మాటలు స్క్రీన్ ప్లే అందిస్తున్న రాజేంద్ర భరద్వజ్ తెలియ చేశారు.
శక్తికపూర్, ప్రదీప్‌రావత్, సురేష్, అనూప్‌సోని, అమన్ ప్రీత్, భూపాల్ రాజ్, విజయ్‌భాస్కర్, ఉన్ని కృష్ణ, దీక్షాపంత్, అమీక్ష, మిర్చిమాధవి, తదితరులు నటిస్తున్న ఈ చిత్రానికి సంగీతం: వినోద్ యజమాన్య, కెమెరా: చిట్టిబాబు, ఎడిటింగ్: ఉద్ధవ్, ఆర్ట్: నాగు, ఫైట్స్:డ్రాగన్ ప్రకాష్, మల్లేష్, చిత్ర నిర్మాణం దర్శకత్వం: రమణ మొగిలి, సహా నిర్మాత: అజయ్ గౌతం.
