తెలుగు, తమిళ, హిందీ సినిమాల్లో బిజిగా ఉన్న నటి రాయ్ లక్ష్మీ. తను హీరోయిన్‌గా కేరిర్ ప్రారంభించినా ఆశించిన స్థాయిలో ఆకట్టుకోలేకపోవడంతో ప్రస్తుతం స్పెషల్ సాంగ్స్, క్యారెక్టర్ రోల్స్‌తో లాగించేస్తున్నారు. ప్రస్తుతం రాయ్ లక్ష్మీ తెలుగులో వేర్ ఈజ్ ది వెంకటలక్ష్మీ చిత్రంతో పాటు తమిళ, హిందీ సినిమాల్లో నటిస్తున్నారు. ఇదిలా ఉండగా.. రాయ్ లక్ష్మీ‌కి సంబంధించిన ఓ వార్త వైరల్ కావడంతో ఆమె తీవ్రంగా స్పందించారు.
ఓ తమిళ వెబ్‌సైట్‌లో రాయ్ లక్ష్మీ తల్లి కాబోతుందా అంటూ ఓ వార్తను ప్రచురించారు. ఈ వార్తపై స్పందించిన రాయ్ కేవలం వ్యూస్ కోసం ఇలా ఆధారాలు లేకుండా ఏ వార్త అయినా రాస్తేస్తారా అంటూ తన ఆగ్రహాన్ని వ్యక్తం చేశారు. అంతేకాదు.. తప్పును కూడా ఇంత ధైర్యంగా ఎలా చేస్తారు.. ఈ వార్త రాసిన వ్యక్తికి నేను అస్సలు ఇష్టం లేదనుకుంటూ.. ఇంతకంటే మంచి కథలు కావాలంటే నన్ను అడగండి అంటూ.. సోషల్ మీడియాలో ఫైర్ అయ్యింది రాయ్ లక్ష్మీ.
