శ్రీ రామ రక్ష ఫిలిమ్స్, స్మైలింగ్ డ్రీమ్స్,సంస్థలు సంయుక్తంగా సాగర్ యమ్ యన్ వి, వెన్నెల విహర్ హీరోహీరోయిన్లుగా, సాగర్ యమ్‌యన్‌వి దర్శకత్వంలో ఏనుగుతల దేవదాసు, సైధూల్ బాథరాజ్ (సిద్దు) నిర్మిస్థున మాస్ ఎంటర్టైనర్ "కొంటె కుర్రాడు". ఓ లోఫర్ గాడి ప్రేమ కథ ట్యాగ్ లైన్. ఇటీవలె రాజ్ కందుకూరి ఈ చిత్ర ఫస్ట్ లుక్‌ను ఆవిష్కరించారు. హీరో రవితేజ అమర్ అక్బర్ అంథోని చిత్రం విడుదల సందర్భముగా ఓ ప్రత్యేక పాటను ఈ చిత్ర యూనిట్ రవితేజ‌కు డెడికేట్ చేశారు.
ఈ సందర్బంగా నిర్మాతలు మాట్లాడుతూ.. మా హీరో దర్శకుడు సాగర్ మాస్ మహా రాజ్ రవితేజకి వీరాభిమాని. శుక్రవారం రవితేజ నటించిన "అమర్ అక్బర్ అంథోని" సినిమా విడుదల సందర్భంగా మా చిత్ర సంగీత దర్శకుడు యస్ ఏ అరమాన్ రచించిన, ప్రముఖ గాయకుడు రాంకి ఆలపించిన ఒక స్పెషల్ సాంగ్‌ని మాస్ మహా రాజ్‌కి డెడికేట్ చేస్తూ, కుకట్ పల్లి వసంత నగర్‌లో "అరుణ ప్రియ హోల్డ్ ఏజ్ హోమ్ "వృద్ధుల మధ్య విడుదల చేశాము. సాగర్ ఈ సినిమాని చాలా బాగా తీర్చిదిద్దుతున్నారు. త్వరలోనే టీజర్ రిలీజ్ చేస్తామని అన్నారు.
మాస్ లవ్ ఎంటర్టైనర్‌గా తీస్తొన్న ఈ సినిమాలో తాను రవితేజ గారి అభిమానిగా కనిపిస్తానని, సస్పెన్స్ లవ్‌తో ఎవరు ఊహించని విధంగా క్లైమాక్స్ ఉంటుందని, మరో హీరొయిన్ నెక్స్ట్ షెడ్యూల్‌లో జాయిన్ అవుతుందని హీరో, దర్శకుడు సాగర్ అన్నారు.
ఈ చిత్రానికి సినిమాటోగ్రఫీ ప్రవీణ్. కె కావలి, మ్యూజిక్: యస్.ఏ. అరమాన్, ఎడిటింగ్: మహేశ్, పోస్టర్ డిజైనింగ్: జగదీష్ కుమార్, కథ-స్క్రీన్‌ప్లే- మాటలు-దర్శకత్వం: సాగర్ యమ్ యన్ వి.
