షూటింగ్ అయ్యాక ఇంటికి వస్తుంటే.. బుల్లితెర నటిపై లైంగికదాడి...
వెస్ట్ బెంగాల్ రాజధాని కోల్‌కతాలో బుల్లితెర నటిపై లైంగికదాడి జరిగింది. షూటింగ్ పూర్తి చేసుకుని వస్తుంటే గుర్తు తెలియని దుండగులు ఆమెపై అఘాయిత్యానికి పాల్పడ్డారు. ఈ ఘటన మంగళవారం రాత్రి జరిగింది.
వెస్ట్ బెంగాల్ రాజధాని కోల్‌కతాలో బుల్లితెర నటిపై లైంగికదాడి జరిగింది. షూటింగ్ పూర్తి చేసుకుని వస్తుంటే గుర్తు తెలియని దుండగులు ఆమెపై అఘాయిత్యానికి పాల్పడ్డారు. ఈ ఘటన మంగళవారం రాత్రి జరిగింది.
ఈ వివరాలను పరిశీలిస్తే... బెంగాల్‌కు చెందిన ఓ బుల్లితెర నటి మంగళవారం రాత్రి షూటింగ్ పూర్తి చేసుకుని కారులో ఇంటికి బయలుదేరింది. రాత్రి ఒంటిగంట సమయంలో సిరితి క్రాస్‌రోడ్డు వద్ద మద్యం సేవించిన ముగ్గురు వ్యక్తులు రోడ్డుపై కారుకు అడ్డంగా నిలబడ్డారు.
దీంతో కారును ఆపడంతో వారు ఆమెపై అఘాయిత్యానికి పాల్పడ్డారు. రాత్రి ఒంటిగంట సమయంలో సిరితి క్రాస్‌రోడ్డు వద్ద మద్యం సేవించిన ముగ్గురు వ్యక్తులు రోడ్డుపై అడ్డంగా నిలబడ్డారని బాధితురాలు ఫిర్యాదులో పేర్కొన్నారు.
దీనిపై బాధితురాలి ఫిర్యాదు మేరకు కోల్‌కతా పోలీసులు కేసు నమోదు చేశారు. ఈ ఫిర్యాదులో ఒకరికి పక్కనుంచే కారు వెళ్లడంతో తనను నిలిపివేసి, కారు తాళాలు లాగేసుకున్నారని వెల్లడించారు. అనంతరం తనను బయటికిలాగి అసభ్యంగా తాకుతూ వేధింపులకు పాల్పడ్డారని ఆరోపించారు. ఈ ఫిర్యాదుపై స్పందించిన పోలీసులు ఇద్దరు నిందితులను అదుపులోకి తీసుకున్నారు.
