మెగాస్టార్ చిరంజీవి సినీ కెరీర్ లో 'ఖైదీ' చిత్రం టర్నింగ్ పాయింట్. ఈ సినిమా తర్వాత చిరు సినీ జీవితం మారిపోయింది. అసలు ఈ సినిమా మొదట సూపర్ స్టార్ కృష్ణ కు వచ్చింది. దర్శకులు ఎ.కోదండరామిరెడ్డి వచ్చి కృష్ణ గారికి కథ చెప్పడానికి వచ్చారు. కథ విన్నాక తన కాల్ షీట్స్ లేవని, నాకోసం ఎదురుచూడకుండా, ఇప్పుడే హీరోగా వస్తున్న చిరంజీవి చేత చేయించండి. ఆతను డాన్స్, ఫైట్స్ బాగా చేస్తాడని తెలిపారు. దాంతో చిరుకు దక్కింది. ఈ సినిమా విడుదలయి రికార్డ్స్ బ్రేక్ చేసింది. ఖైదీ విడుదలై నేటికి 40 సంవత్సరాలయిన సందర్భంగా ఒక సారి చిరంజీవి గుర్తుచేసుకున్నారు.
నా జీవితంలో ఓ గొప్ప టర్నింగ్ పాయింట్ ఆ చిత్రం ! ఆ చిత్రాన్ని ప్రేక్షకులు ఆదరించిన తీరు ఎప్పటికీ మరువలేనిది. ఖైదీ విడుదలై నేటికి 40 సంవత్సరాలయిన సందర్భంగా ఒక సారి ఆ జ్ఞాపకాలను నెమరువేసుకుంటూ, 'ఖైదీ' చిత్రం నిజంగానే అభిమానుల గుండెల్లో నన్ను శాశ్వత 'ఖైదీ'ని చేసింది. ఆ చిత్ర దర్శకులు ఎ.కోదండరామిరెడ్డి గారిని, నిర్మాతలు సంయుక్తా మూవీస్ టీమ్ ని, రచయితలు పరుచూరి సోదరులను, నా కో- స్టార్స్ సుమలత , మాధవి లని మొత్తం టీమ్ ని అభినందిస్తూ, అంత గొప్ప విజయాన్ని మా కందించిన తెలుగు ప్రేక్షకులందరికీ నా హృదయ పూర్వక ధన్యవాదాలు.. అంటూ సోషల్ మీడియా ఎక్స్ లో తెలిపారు.
