కమల్ హాసన్, దర్శకుడు శంకర్ కాంబినేషన్ లో రూపొందుతోన్న చిత్రం భారతీయుడు 2 . ఈ సినిమా ట్రైలర్ ఇటీవలే చెన్నైలో జరిగింది. కాగా, ప్రీరిలీజ్ హైదరాబాద్ లో చేయనున్నట్లు తెలుస్తోంది. ఇదిలా వుండగా, ఈరోజు భారతీయుడు 2 నుంచి తాత వస్తాడే .. సాంగ్ ప్రోమో విడుదల చేసింది చిత్ర యూనిట్.
తాత వస్తాడే.. వేళ్లు మడిచిపెడితే బొక్కలు షురే.. అనే పాటను విడుదల చేశారు. సిదార్త్, ప్రియా భవాని షా తోపాటు వందలాది జూనియర్స్ ఈ పాటలో పాల్గొన్నారు. ఈ పాటలో భారతీయుడు గెటప్ లో సిద్దార్థ్ కూడా కనిపిస్తాడు. వందలాది భారతీయుడు గెటప్ లుకూడా కనిపిస్తాయి. ఇది సినిమాలో కీలకమైన ఘట్టంగా పాటను బట్టి తెలుస్తోంది.
గాయకుడు అరుణ్ కౌండిన్య పాడగా, బాబా భాస్కర్ కొరియోగ్రాఫర్ నిర్వహించారు. అనిరుధ్ బాణీలు సమకూర్చారు. సినిమాటోగ్రాఫర్ గా రవివర్మ వ్యవహరించారు. భారతీయుడు 2 జీరో టాలరెన్స్ అనే కాప్షన్ ఈ సినిమా జూలై 12న విడుదలకు సిద్ధం చేస్తోంది లైకా ప్రొడక్షన్, పెన్ స్టూడియో సంస్థలు.
