జనసేనాని పవన్ కల్యాణ్ మాజీ భార్య రేణు దేశాయ్ ప్రకటనల్లో నటించేందుకు సిద్ధపడింది. పవన్ సరసన బద్రిలో నటించిన రేణుదేశాయ్.. ఆ తర్వాత జానీ సినిమాలో కనిపించింది. తర్వాత పవన్‌ను పెళ్లిచేసుకుని పాపులారిటీ దక్కించుకుంది. సినిమాలకు దూరమైన ఈ నటి అప్పుడప్పుడు తన కవితలతో అభిమానులను పలకరించేది.
పవన్‌కి దూరమైన తరువాత మరో పెళ్లి చేసుకోవడానికి రెడీ అవుతోంది. ప్రొఫెషనల్‌గా కూడా సెటిల్ అవ్వాలని చూస్తోంది. ఈ క్రమంలో ఓ ప్రకటనలో నటించేందుకు సిద్ధమైంది. కళామందిర్ కళ్యాణ్ ''కాంచీపురం వరమహలక్ష్మి సిల్క్స్''కి రేణుదేశాయ్‌ని బ్రాండ్‌గా ఎంపిక చేసుకొని ఆమెతో ఇటీవల ఓ యాడ్ ఫిల్మ్‌‍ని చిత్రీకరించారు.
ఈ ప్రకటనకు సంబంధించిన ఫోటోలు ప్రస్తుతం సోషల్ మీడియాలో వైరల్ అవుతోంది. రేణుదేశాయ్ మొదటి బ్రాండ్ ఎండోర్స్ ఇదేనని.. తప్పకుండా ఈ యాడ్ ద్వారా రేణూ దేశాయ్ మంచి పేరు కొట్టేస్తుందని టాక్ వస్తోంది.
