'శాతకర్ణి' తెలుగువాడి సినిమా.. తెలుగోడిగా గర్విస్తున్నా : కె. రాఘవేంద్రరావు

బాలకృష్ణ నటించిన 'గౌతమిపుత్ర శాతకర్ణి' సినిమాపై దర్శకేంద్రుడు రాఘవేంద్రరావు ప్రశంసల జల్లు కురిపించారు. 'ఇది తెలుగువాడి చరిత్ర.. సాటి తెలుగువాడిగా నేనూ గర్వపడుతున్నాను' అని ఫేస్‌బుక్‌ ద్వారా తెలిపారు.

బాలకృష్ణ నటించిన 'గౌతమిపుత్ర శాతకర్ణి' సినిమాపై దర్శకేంద్రుడు రాఘవేంద్రరావు ప్రశంసల జల్లు కురిపించారు. 'ఇది తెలుగువాడి చరిత్ర.. సాటి తెలుగువాడిగా నేనూ గర్వపడుతున్నాను' అని ఫేస్‌బుక్‌ ద్వారా తెలిపారు. 'గౌతమిపుత్ర శాతకర్ణి.. తెలుగు వాడి చరిత్ర.. పాత్రలో అద్భుతమైన నటనతో జీవించిన నందమూరి బాలకృష్ణ తెలుగువాడు. అద్వితీయంగా తెరకెక్కించిన క్రిష్‌ ఒక తెలుగువాడు.. తెలుగువాడి చరిత్రని దశ దిశల చాటి చెప్తున్న చిత్ర బృందానికి నా అభినందనలు.. సాటి తెలుగువాడిగా నేనూ గర్వపడుతున్నా' అని పేర్కొన్నారు. క్రిష్‌ దర్శకత్వంలో తెరకెక్కించిన 'గౌతమిపుత్ర శాతకర్ణి' సంక్రాంతి కానుకగా ప్రేక్షకుల ముందుకు వచ్చింది. ఈ చిత్రం చూసిన ప్రముఖులు పలువురు క్రిష్‌ పైన, బాలకృష్ణపైన ప్రశంసలు కురిపించిన విషయం తెలిసిందే. 

అలాగే, మెగాస్టార్ చిరంజీవి చిత్రం ఖైదీ నంబర్ 150పై కూడా రాఘవేంద్ర రావు ట్వీట్ చేసిన విషయం తెల్సిందే. జగదేకవీరుడు మళ్లీ పుట్టాడంటూ ట్వీట్ చేశారు. 'సినిమా చేసి చాలా రోజులు అయింది' అనే మాట కేవలం మాట వరసకు మాత్రమే. అదే జోరు..అదే ఊపు.. అదే గ్రేసు... జై చిరంజీవా. జగదేకవీరా. అంటూ తన ట్వీట్‌లో పేర్కొన్నాడు.