జులై 6న ''జనతా గ్యారేజ్" ఫస్ట్‌ ట్రైలర్‌... సోషల్ మీడియాలో గ్యారేజ్ స్టిల్స్‌కు వైరల్!
టెంపర్, నాన్నకు ప్రేమతో లాంటి సినిమాలలో వెరైటీ హెయిర్ స్టైల్, గెటప్‌లతో అలరించిన ఎన్టీఆర్, తన తాజా చిత్రం జనత గ్యారేజ్‌లో రెండు రకాల షేడ్స్‌లో కనిపించనున్నాడు. ఈ నేపథ్యంలో ''జనతా గ్యారేజ్" ఫస్ట్‌ ట్రె
టెంపర్, నాన్నకు ప్రేమతో లాంటి సినిమాలలో వెరైటీ హెయిర్ స్టైల్, గెటప్‌లతో అలరించిన ఎన్టీఆర్, తన తాజా చిత్రం జనత గ్యారేజ్‌లో రెండు రకాల షేడ్స్‌లో కనిపించనున్నాడు. ఈ నేపథ్యంలో ''జనతా గ్యారేజ్" ఫస్ట్‌ ట్రైలర్‌ను జులై 6న విడుదల చేయనున్నారు. ఈ విషయాన్ని దర్శకుడు కొరటాల శివ సోషల్ మీడియా ద్వారా అభిమానులకు తెలియజేశారు.
ఇప్పటికే ఈ సినిమా పోస్టర్లను సోషల్ మీడియాలో విడుదల చేశారు. స్టైలిష్‌ లుక్‌తో ఎన్టీఆర్ ఈ చిత్రంలో కనిపిస్తే.. మోహన్‌లాల్‌, దేవయాని, సుమన్, అజయ్‌లతో కూడిన సినిమా స్టిల్స్ ప్రస్తుతం సోషల్ మీడియాలో వైరల్‌గా మారాయి. కాగా జనతా గ్యారేజ్ సినిమా తెలుగు, తమిళం, మలయాళం భాషల్లో విడుదల కానుంది. ఈ చిత్రంలో ఎన్టీఆర్ సరసన సమంత, నిత్యామీనన్‌‌లు హీరోయిన్స్‌గా నటిస్తున్నారు.
యాక్షన్ సినిమాగా తెరకెక్కే జనతా గ్యారేజ్ సినిమాకు కొరటాల శివ దర్శకత్వం వహిస్తున్నారు. రూ.50 కోట్ల బడ్జెట్‌తో రూపుదిద్దుకునే ఈ సినిమా ఎన్టీఆర్‌కు టెంపర్, నాన్నకు ప్రేమతో సినిమాల తర్వాత మంచి హిట్‌ను ఇస్తుందని ఫ్యాన్స్ ఎదురు చూస్తున్నారు. ఈ చిత్రానికి దేవీశ్రీ ప్రసాద్ సంగీతం సమకూర్చుతుండగా, ఆగస్టు 12న సినిమా విడుదలకు రంగం సిద్ధమవుతోంది.
