'అమ్మ' జయలలిత నా సీనియర్.. నేను ఆమె ఒకే స్కూల్లో చదివాం: హీరో సుమన్

తిరిగిరాని లోకాలకు చేరుకున్న ముఖ్యమంత్రి జయలలితో ఉన్న అనుబంధాన్ని, పరిచయాన్ని ప్రతి ఒక్కరూ నెమరు వేసుకుంటున్నారు. ఇందులోభాగంగా టాలీవుడ్ సీనియర్ నటుడు, హీరో సుమన్...జయలలిత మృతి పట్ల తీవ్ర దిగ్భాంతిని వ

తిరిగిరాని లోకాలకు చేరుకున్న ముఖ్యమంత్రి జయలలితో ఉన్న అనుబంధాన్ని, పరిచయాన్ని ప్రతి ఒక్కరూ నెమరు వేసుకుంటున్నారు. ఇందులోభాగంగా టాలీవుడ్ సీనియర్ నటుడు, హీరో సుమన్...జయలలిత మృతి పట్ల తీవ్ర దిగ్భాంతిని వ్యక్తంచేశారు. 

జయలలిత మృతిపై సుమన్ స్పందిస్తూ... హాస్పిటల్ నుంచి పూర్తి ఆరోగ్యంతో తిరిగి వస్తుందని భావించాం, కానీ ఇలా జరిగటం బాధాకరం అన్నారు. ఆమె, నేను చెన్నైలోని చర్చ్ పార్క్ స్కూల్లో చదివాం. నేను థర్డ్ స్టాండర్డ్ చదువుతున్నపుడు జయలలిత సీనియర్. ఆమె షూటింగ్‌లకు వెళ్ళడం నాకు బాగా గుర్తుంది అని సుమన్ గుర్తుచేసుకున్నారు.

నటిగా కంటే మంచి డాన్సర్‌గా జయలలిత మంచి గుర్తింపు తెచ్చుకున్నారు. ఎలాంటి రాజకీయ నేపథ్యం లేకున్నా పాలిటిక్స్‌లోకి వచ్చి సక్సెస్ అయ్యారు. ఈ క్రమంలో అవమానాలు ఎదురైనా తట్టుకుని నిలబడి జనామోదం పొంది మాస్ లీడర్ అయ్యారు. పేద ప్రజలకు విశేష సేవలందించి అమ్మగా పేరు తెచ్చుకున్నారు. ముఖ్యంగా అమ్మ క్యాంటిన్ ఆమెకు పేద ప్రజల గుండెల్లో చెరగని స్థానం సంపాదించి పెట్టింది. అని ఆమె సినీ రాజకీయ ప్రస్థానాలను సుమన్ గుర్తు చేసుకున్నారు.

సోదరి జయలలిత మరణ వార్తను జీర్ణించుకోలేకపోతున్నానని సినీనటి జమున అన్నారు. జయలలిత శపథం మంగమ్మ శపథం లాంటిదన్నారు. ఐదు సార్లు సీఎంగా చేసిన మహా నాయకురాలు అని, పేదల హృదయాల్లో అమ్మగా నిలిచిపోయారని కొనియాడారు. జయ టీవీ సిల్వర్ జూబ్లీ ఉత్సవాల అనంతరం ప్రేమగా తమకు జయలలిత వడ్డించారని, కౌగిలించుకుని కొత్త బట్టలు పెట్టి పంపించారని జమున గుర్తు చేసుకున్నారు.