గౌతమ్ మీనన్‌తో కబాలి : రోబో 2.0 విలన్ ఆదాయం రజనీకంటే పలురెట్లెక్కువా?
తమిళ సూపర్ స్టార్ రజనీ కాంత్ కబాలి సినిమాలో రాధికా ఆప్టేతో లేటు వయసులోనూ ప్రేమాయణాన్ని చక్కగా పండించారు. అందుకేనేమో ప్రస్తుతం గౌతమ్ మీనన్ రజనీకాంత్‌తో సినిమా చేసేందుకు సై అంటున్నారు. ''ఘర్షణ", "ఏ మాయ
తమిళ సూపర్ స్టార్ రజనీ కాంత్ కబాలి సినిమాలో రాధికా ఆప్టేతో లేటు వయసులోనూ ప్రేమాయణాన్ని చక్కగా పండించారు. అందుకేనేమో ప్రస్తుతం గౌతమ్ మీనన్ రజనీకాంత్‌తో సినిమా చేసేందుకు సై అంటున్నారు. ''ఘర్షణ", "ఏ మాయ చేశావె" వంటి ప్రత్యక్ష సినిమాల ద్వారా తెలుగు ప్రేక్షకులకు దగ్గరైన గౌతమ్ దర్శకత్వం వహించిన తాజా చిత్రం "సాహసం శ్వాసగా సాగిపో'' విడుదలకు సిద్ధమైంది.
గతంలో సూపర్ స్టార్‌‍తో సినిమా చేయాలనుకుంటున్నానని.. పేరు, డబ్బు కోసం కాకుండా.. ట్రైలర్ కూడా రిలీజ్ కాకపోయినా ఆయన సినిమా రిలీజైతే ప్రేక్షకులు థియేటర్లకి వస్తారని కొనియాడారు. ఈ నేపథ్యంలో ప్రస్తుతం అల్లుడు ధనుష్‌తో ఓ సినిమా చేస్తున్న గౌతమ్ మీనన్, ఈ సినిమాకు తర్వాత రజనీకాంత్‌కు తగిన స్క్రిప్ట్ రెడీ చేసుకుంటున్నారని కోలీవుడ్ టాక్.
ఇదిలా ఉంటే.. రోబో 2.0 సినిమాలో రజనీకి విలన్‌గా నటిస్తున్న అక్షయ్ కుమార్ పారితోషికం ఎంతో తెలుస్తే దిమ్మతిరిగిపోవాల్సిందే. అక్షయ్ కుమార్ వార్షికాదాయం రజనీకాంత్ కంటే అధికమని ఫోర్బ్స్ వెల్లడించింది. ఫోర్బ్స్ జాబితాలో అధికంగా సంపాదించే సినీ నటుల పేర్లను విడుదల చేశారు. ఈ జాబితా ప్రకారం అక్షయ్ కుమార్ వార్షికాదాయం రూ.207 కోట్లు. ఇది రజనీకాంత్ కంటే పలు రెట్లు అధికం. ఈ జాబితాలో సల్మాన్, షారూఖ్, అమితాబ్‌లు కూడా చోటు సంపాదించారు.
