Balakrishna, N.T.R., Kalyan Ram
బాల‌కృష్ణ, ఎన్.టి.ఆర్‌., కళ్యాణ్ రామ్ క‌లిసి న‌టిస్తే! అభిమానుల‌కు పండుగే. కానీ అటువంటి క‌థ, కాలం క‌లిసిరావాలంటున్నారు క‌ళ్యాణ్‌రామ్‌. ఆయ‌న తాజా సినిమా బింబిసార. ప్ర‌మోష‌న్‌లో భాగంగా ఆయ‌న మ‌న‌సులోని మాట‌ల‌ను వెల్ల‌డించారు.
నందమూరి కళ్యాణ్ రామ్ హీరోగా వశిష్ఠ దర్శకత్వంలో టైం ట్రావెల్ కాన్సెప్ట్ ను పీరియాడిక్ బ్యాక్ డ్రాప్ లో `బింబిసార` చిత్రం రూపొందింది. ఈనెల 6న చిత్రం విడుద‌ల‌కాబోతుంది. ఇప్ప‌టికే ప‌బ్లిసిటీ ప‌రంగా బిజీగా వున్న కళ్యాణ్ రామ్ ఈ చిత్రం గురించి ప‌లు విష‌యాలు తెలియ‌జేశారు. ద‌ర్శ‌కుడు నాకు క‌థ చెబుతున్న‌ప్పుడే ఇది ఫిక్ష‌న్ అని చెప్పారు. లాజిక్‌లు వుండ‌వు అన్నారు. టైం ట్రావెల్ క‌థ కాబ‌ట్టి ఒక‌నాకొ టైంలో బింబిసార ట్రావెల్ చేస్తే ఎలా వుంటుంద‌నేఇ మా సినిమా. బింబిసారుడు అనే రాజు క‌థ కాబ‌ట్టి బాహుబ‌లి స్థాయిలో యాక్ష‌న్ ఎపిసోడ్స్ వుండ‌వు. బింబిసార క‌థ ప్ర‌కార‌మే వుంటాయి.
టైంట్రావెల్ క‌థ క‌నుక భ‌విష్య‌త్‌లోనూ, ఫాస్ట్‌లోనూ ఇలా ర‌క‌ర‌కాలుగా క‌థలు రాసి ఫ్రాంచైజ్‌గా నాలుగు భాగాలు తీసే అవ‌కాశం కూడా వుంది. బింబిసార ఎక్కువ బడ్జెట్ కాలేదు. నా మార్కెట్ ఎంత వుందో ఆ స్థాయిలోనే నేను సినిమాను తీశాను.
అలాగే అంద‌రూ ఎన్.టి.ఆర్‌.తో సినిమా ఎప్పుడూ అని అడుగుతున్నారు. ఎన్.టి.ఆర్‌.తో సినిమా వుంటుంది. నేను నిర్మాత‌గా వుంటాను. న‌టుడిగా మాత్రం చేయ‌ను. క‌థ‌తోపాటు అన్నీ కుదిరితే బాల‌కృష్ణ, ఎన్.టి.ఆర్‌. నేను కూడా న‌టించే సినిమాను కూడా భ‌విష్య‌త్‌లో తీయ‌వ‌చ్చునేమో అని తెలిపారు. ఇందుకు స‌మయం కూడా అనుకూలించాలి అన్నారు.
